LOBMUNG 24 - Kok Borok (Re-edited) Bible (BSI)

¹ O ha Subraiyungni’-no, oro tong kwrwibo bini’-no, Swngchar bai swngcharo tongnairokbo bini’-no;

² bo abono twijlangrokni saka-obo abono kái kha, tei twimarokni saka-o khe abono songcha kha.

³ Subraiyungni hathái-o sabo kasanai? sabo bini a kwthar dikholo bachanai?

⁴ Yak kwtharrok tei bwkha kuphurrok cha yani bwskango yáskú sung yarok, tei tatal swmai tang yarok.

⁵ Bórok Subraiyungni aroni hamari mannai, tei bono mwthangnai Kaitorni aroni kahamno mannai.

⁶ Bono naituknairokni bosong Jakobni Kaitorno khulumnairok abo hai’-no. Sela

⁷ O duglamrok nini khorok tisa di! o duglamrok phiyokjak di, o duglam kwchamrok! Chẃngsachani bubagra bisingo hapnai.

⁸ Sabo chẃngsachani bubagra? Subraiyung kwrak tei phan gwnang, Subraiyung choba-o phankrak.

⁹ O duglamrok nini khorok tisa di! o duglamrok phiyokjak di, o duglam kwchamrok! Chẃngsachani bubagra bisingo hapnai.

¹⁰ Sabo Chẃngsachani bubagra? Sengkrak suarirokni Subraiyung khe kwrak tei phan gwnang, bo se chẃngsajak bubagra. Sela Daudni rwchapmung