LOBMUNG 23 - Kok Borok (Re-edited) Bible (BSI)

¹ Ano mwrwknaisa le Subraiyung se ani biyal wng glak.

² Jabra kwkhrang sula-o bono ano roko rw-o; twisa kwchang kwchangni rukungrok tẃi bo ano tẃi-o;

³ ani langmano bo thangcha rw-o. Bo bini mungni bagwi ano lama sói tẃi khe tẃithero.

⁴ Kwthwi sampilini harung tẃi ang him phuru phano aphurubo ang mungsa hamyano kiri glak; tamni hwn ba nwng ang bai tongo; nini raidang bai nini painjon ano bwkha kwchang rw-o.

⁵ Nwng ani kebengnai arirokni samo ani bwskango, ani bagwi khalai tiyar khlai-o; nwng ani khorogo thok lu-ui chongthar chongo; ani khuri pungwi kwsar kha.

⁶ Au, ani thangsungo sal brúmno kaham bai khairokma ang bai tongnai, phiya ang Subraiyungni nogo mol brúmno tongnai. Daudni rwchapmung