LOBMUNG 2 - Kok Borok (Re-edited) Bible (BSI)

Kaitorni chongjak habugra

¹ Dopharok tamoni uálai lai, bororok tamoni nang ya sók ya kók chap lai?

² Hani habugrarok bacha lai-o, naikolphangrok kókbiti khol lai-o, Subraiyungno kebengwi, tei bo bai chongthar chongjakno kebengwi hwn lai-o;

³ “Phai di chwng bórokni dwkhwino sachu-ui khibi lai anw tei bórok chwngno khamani sordukno sachu-ui khibi lai anw.”

⁴ Chuknoha-o achugwi tongnaisa mwnwi kha; Subraiyung bórokno thesra kari kha.

⁵ Aphuru bo bórokno joliui sanai, tei bórokno sikiriui hai hwnwi sanai,

⁶ “Ang ani bugrano Siyono achuk rw kha, ani hathái kwtharo.”

⁷ Ang Subraiyungni sakhlaimungno sakhlainai: Bo ano hai hwnwi sa kha, “Nwng’-no ani sajla; tini’-no ang nono angsla hwnwi yachak kha.

⁸ Ani thani san di, dopharokno nini bosong khlainai tei o ha yaphang buchuk nini snamnai.

⁹ Sorni raidang bai nwng bórokno swbainai, kumarsani hani manwino sukhrup tẃi nwng bórokno sukhrupnai.”

¹⁰ Aboni bagwino tabuk o habugrarok, khá sinai wng di, swngcharni naikolphangrok.

¹¹ Subraiyungno kirima gwnang khe kwlwibraui mon di,

¹² bini yakung motom su di, wng ya khe bo jolinai se, wng ya khe norok lamao’-no komornai; kisa kheno bo jolinai se. Bini thani bwkha beranairok bórok hamchajak. Daud, bwsajla Absalomni aroni khárwi tháng phuru rwchapmani.