LOBMUNG 15 - Kok Borok (Re-edited) Bible (BSI)

¹ O Subraiyung, nini ríni nogo sabo tongwi mannai? Sabo nini hathái kwtharo tongwi mannai?

² Sutrang khe tongnairok, samung kaham tangnairok, tei bwkha bai kók kubui sanairok;

³ buini hamya sa yarok, kichingsongni hamya khlai yarok, tei nok ari borokni bagwi hamya sa yarok;

⁴ borok hamyarokno khe naislerjaknai, tamo khe Subraiyungno kirinairokno bórom khlainai; Swmai tangwi kók rw khe bini hamya wng phano kók phér ya;

⁵ rang bwsa manna bagwibo bini rangno rw ya, tei borok kahamrokni yakni rang chá ya. omo tẃi samung tangnairok ninang phlai glak. Daudni Miktam