LOBMUNG 142 - Kok Borok (Re-edited) Bible (BSI)

¹ Ang chirigwi Subraiyungni thani kabo; khorang khlaiwi Subraiyungni thani koiwi sa-o.

² Ang bono ani kók sana tongmarokno khupro-ui sa-o; ani birmanni kókrokno bono sa-o.

³ Ani bwkha báiwi lengwi tong phuru nwng ani lamano saui mano. ang himmani lama-o bórok ani bagwi uarai chak lai kha.

⁴ Ani yagra bwkhak naisigwi nai di khoroksa phano ano sinai kwrwi, ani tongthai kwma kha; ani bagwi uansuknai khoroksabo kwrwi kha.

⁵ O Subraiyung, ang nini thani kap kha; ang sa kha, nwng se ani kati rwjaknai, kwthangrokni ha-o ani man banta.

⁶ Ani kapmano khna ja di, tamni hwn ba ang belai kheno hache rwjak kha. Ano sátoknairokni yakni phiyók ja di, tamni hwn ba bórok ani slái le belai khe phan gwnang.

⁷ Ano alongni phiyók ja di, hakhe ang nini mungwi hambai rwui mannai. Borok kahamrok ano kitingwi tongnai, tamni hwn ba nwng ano khairokjak kha. Daudni