LOBMUNG 137 - Kok Borok (Re-edited) Bible (BSI)

Israilrok buini ha-o khaui tlangjak phuru kapmani

¹ Siyonno muitu wng phuru khe chwng Babilonni twima rukungrogo achugwi kap lai-o.

² Chwng aroni Uiluphangrogo chini chongprengrokno khachi laiwi tono.

³ Chwngno aro khaui tlangnairok chwngno rwchapmungrok rwchap di hwno, chwngno sátoknairok chini aroni tongthokni rwchapmung khnanani muchungjago, bórok ahai hwnwi sa lai-o, “Chwngno Siyonni rwchapmungrok khna rw di!”

⁴ Chwng bahai khe buini ha-o Subraiyungni rwchapmungno rwchapnai?

⁵ O Jerusalem tumung ang nono pok khe, ani yagra yak borsaui tháng thung!

⁶ Tumung ang nono muitu khlai ya hwn khe, Jerusalemno tẃi simi’-no ani tongthokmung hwnwi khatungjak ya khe, hakhe ani bwslai kanswka-o raksaui kwchaui tháng thung.

⁷ O Subraiyung, Idomsarok Jerusalemno sokomor laima salni kókno muitu khlai di, bórok ahai hwn lai kha, “Sokomor súgwi pái di! sokomor súgwi pái di! Katswi bini yaphang suda phuichaui khibi lainai!”

⁸ O Babilonni sajwk, sokomornaijwk! nwng chwngno khlaima bagwi nono yagul su phinarok bórok tongthoknai!

⁹ Nini kwlwi bwsarokno romwi holongo búpháiwi bórok tongthoknai! Daudni