LOBMUNG 136 - Kok Borok (Re-edited) Bible (BSI)

Hambai rwui rwchapmani

¹ Norok Subraiyungno hambai rw di, tamni hwn ba bo wng kha kaham, bini pái phlai ya hamjakma mol brúmno tong phlainai.

² Mwtairokni Kaitorno hambai rw di, bini pái phlai ya hamjakma mol brúmno tong phlai-o.

³ Subraino hambai rw di; bini khairokma mol brúmno tong phlai-o.

⁴ Bo simi se uanamasingcha samung khlainaisa, tamni hwn ba bini pái phlai ya hamjakma mol brúmno tong phlai-o;

⁵ bo bini simung-rwngmung bai nokharokno snam kha, tamni hwn ba bini pái phlai ya hamjakma mol brúm brúm tong phlai-o;

⁶ bo se twi saka-o hakungno snamo, tamni hwn ba bini pái phlai ya hamjakma mol brúm brúm tong phlai-o;

⁷ bo se pohor kotorrokno snamnaisa, tamni hwn ba bini pái phlai ya hamjakma mol brúm brúm tong phlai-o;

⁸ sal jora-o chẃngnani bagwi salno snamnaisa, tamni hwn ba bini pái phlai ya hamjakma mol brúm brúmno tong phlai-o;

⁹ horni banta tal tei athukirirokno snamnaisa, tamni hwn ba bini pái phlai ya hamjakma mol brúm brúmno tong phlai-o;

¹⁰ bo se ha Ijibo swkang sakrarokno butharnaisa, tamni hwn ba bini pái phlai ya hamjakma mol brúm brúmno tong phlai-o;

¹¹ tei bórokni bisingni Israilsarokno tikhlaiwi tubu kha, tamni hwn ba bini pái phlai ya hamjakma mol brúm brúmno tong phlainai;

¹² bo bini phankrak yak bai bórokno tikhlaiwi tubu kha, tamni hwn ba bini pái phlai ya hamjakma mol brúm brúm tong phlainai;

¹³ Bo twijlang kwchakno khaknwi khe khak kha, bini pái phlai ya hamjakma mol brúm brúmno tong phlainai;

¹⁴ bo aboni kwchar tẃi Israilsarokno lái rw kha, tamni hwn ba bini pái phlai ya hamjakma mol brúm brúmno tong phlainai;

¹⁵ hai phano bo Pharao bai bini sengkrakrokno twijlang kwchago swklwk kha, tamni hwn ba bini pái phlai ya hamjakma mol brúm brúmno tong phlainai;

¹⁶ bo bini bororokno haphar bukcha tẃi tlang kha, tamni hwn ba bini pái phlai ya hamjakma mol brúm brúmno tong phlainai.

¹⁷ Bono habugra kotor kotorrokno kosonwi swprak kha, tamni hwn ba bini pái phlai ya hamjakma mol brúm brúmno tong phlai-o;

¹⁸ sinijak bugrarokno buthar kha, tamni hwn ba bini pái phlai ya hamjakma mol brúm brúmno tong phlai-o;

¹⁹ Amorni habugra Sihonno buthar kha; tamni hwn ba bini pái phlai ya hamjakma mol brúm brúmno tong phlai-o;

²⁰ Basanni habugra Ogno buthar kha, tamni hwn ba bini pái phlai ya hamjakma mol brúm brúmno tong phlai-o;

²¹ bórokni hano bini baithangni ha snam kha, tamni hwn ba bini pái phlai ya hamjakma mol brúm brúm tong phlai-o.

²² Bini seleng Israilno bórokni hano yaphar kha, tamni hwn ba bini pái phlai ya hamjakma mol brúm brúm tong phlai-o.

²³ Bo se chwng báiwi klaijak phuru bo chwngno muitu khlai kha, tamni hwn ba bini pái phlai ya hamjakma mol brúm brúmno tong phlai-o.

²⁴ Bo chwngno chini kebengnai arirokni yakni phiyók kha, tamni hwn ba bini pái phlai ya hamjakma mol brúm brúm tong phlai-o.

²⁵ Bono bebak bahan bwthẃi gwnangrokno chámung rw-o, tamni hwn ba bini pái phlai ya hamjakma mol brúm brúm tong phlai-o.

²⁶ Chuknohani Kaitorno hambai rw di, tamni hwn ba bini pái phlai ya hamjakma mol brúm brúm tong phlai-o.