LOBMUNG 13 - Kok Borok (Re-edited) Bible (BSI)

¹ O Subraiyung tei bwswk? Mol brúmni bagwi da pogwi tong sinai? Nini mwkhangno tei bwswk ani bwskangni huiwi ton sinai?

² Tei bwswk ang bwkha saui ma tong sinai, sal brúm da bwkha nangwi tongnai? Tei bwswk ani kebengnai arirok ani saka-o kwplai wngwi tong sinai?

³ O Subraiyung, ani Kaitor, ano naikhlai ja di, ani mokolo pohor phunuk si di, wng ya khe ang thwiwi páinai,

⁴ hakhe ani kebengnai arirok, “Ang bono mechen kha”; hwnwi sanai, ang nini nangmano nugwi ano kebengnai arirok tongthok lainai kha.

⁵ Tamo khe ang khe nini khairokma-o bwkha beranai; nwng mwthangmano tẃiwi ang tongthoknai.

⁶ Ang Subraiyungno lobwi rwchapnai, tamni hwn ba bo ani kwbángma kaham khlai kha. Rwchapmung tẃithernaini bagwi Daudni rwchapmung