LOBMUNG 129 - Kok Borok (Re-edited) Bible (BSI)

Israilrokni kenarokno kebengwi surimani

¹ “Chwrai phuruni simi bororok ano sátok-sátok kha” hwnwi Israilrok o kók sa thung,

² “Chwrai phuruni simi bórok ano uái-re uái sátok kha, hai phano bórok ano mechenwi man li ya.

³ Al chuainairok ani phikungno chuai kha; bórok kolokma khe al bái kha.”

⁴ Subraiyung wng kha sói buj khlainaisa; bo borok hamyarokni dwkhwi sachu kha.

⁵ Siyonno naislernairok, ma lachi thung tei ma uphil thung.

⁶ Bórokno núkhung sakani sam hai, torsa ya sini’-no mwranwi tháng thung,

⁷ abo ranaisani bagwi mochomdrop phano wng ya, khanaisani bagwi bo motha kha dorop pung ya,

⁸ lama tẃi láinairok “Subraiyungni hamari norokni thani tong thung! Chwng nono Subraiyungni mung bai hamari rw-o!”