LOBMUNG 128 - Kok Borok (Re-edited) Bible (BSI)Subraiyungni kók khnamani sokat 1 Subraiyungno kirinai borok hamchajak, bo bini lamarogo himo. 2 Nwng nini yak bai tangmani samungni bwthái ma chánai; nwng tongthoknai tei nini kaham wngnai. 3 Nihik nini nok bisingo bwthái tháinai angur buphang hai wngnai; nwsarok nini mai khalai songphang kitingjak tháistwi buphang bwsa hai wngnai. 4 Subraiyungno kirinairok abo hai kheno hamari mano. 5 Subraiyung nono Siyonni hamari rwnai. Nwng kwthang tong sak Jerusalemni kaham nuk thung. 6 Nwng nini bwsarokni bwsarokno nuk thung. Israil khakchangwi tong thung! |
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
Bible Society of India