LOBMUNG 126 - Kok Borok (Re-edited) Bible (BSI)

Yókna bagwi surimani

¹ Subraiyung Siyonno swkangni hai khe khlai phir phuru, chwng imang nukma hai se wng si-o.

² Aphuru chini khugo mwnwimung phai kha, tei chini búkhúgo tongthokni rwchapmung bai kupulung wng kha; hakhe aphuru dopharok hai hwnwi sa lai kha, “Subraiyung bórokni bagwi samung kotor kotor khlai kha.”

³ Subraiyung chini bagwi samung kotor kotor khlai kha, aboni bagwi chwng tongthok kha.

⁴ O Subraiyung, Negebni twisa hai khe chwngno swkang phuruni-o kiphilwi tubu ja di.

⁵ Muktwi bai bwchlwi sarnairok tongthokma khorang khlaiwi ma ra thung

⁶ Kap twtwi bwchlwi kaina ongkhorwi thángnairok bórok tongthogwi rwchap twtwi bini mai mothano tubu-ui pha se phainai. Kaitorni kahamno lobwi