LOBMUNG 125 - Kok Borok (Re-edited) Bible (BSI)

Kaitorni bororokni kati rwjakmung

¹ Subraiyungno bwkha beranairok bórok Siyon hathái hai, abo ahai’-no ninang ya, mol brúm se tong phlainai.

² Jerusalemni yang-ayang hatháirok kitingwi tongma haino Subraiyungbo bini bororokni yang yang tabukni simi mol brúm brúm tong phlainai.

³ Tamoni hwn ba borok hamyarokni dagimung phan borok kahamrokno rwmani hani saka-o tong glak, hakhe borok kahamrok hamya khlaina bagwi yak rw glak.

⁴ O Subraiyung samung kaham khlainairokno tei bwkha sutrangrokno kaham khlai di.

⁵ Tamo khe, sak sakni snammani lama kokoi-mokoi tẃi himwi thutaiwi himnairokno Subraiyung samung hamya khlainairok bai baksa hakchal khe rohornai. Israilni saka-o khakchangma tong thung! Israilsong kwchang kwchang wng thung.