LOBMUNG 124 - Kok Borok (Re-edited) Bible (BSI)

¹ Tumung Subraiyung chini bwkhak ya hwn khe, Israilsong tabuk sa thung

² tumung Subraiyung chini phaisingo tong ya khe, chini kebengnai arirok choprok phuru,

³ hakhe bórok chwngno khencheneui jolijak phuru kwthangwi’-no monogwi pái kha mun;

⁴ hakhe chwngno twi kotor kochok rwui pái kha mun, chini saka tẃi kochok saui tháng kha mun;

⁵ hakhe twi aphalrok chini saka tẃi lái kha mun.

⁶ Subraiyung hamchajak; bo chwngno bórokni bua bai uásigwi chájakna bagwi khiklai li ya.

⁷ Khẃi chakjak khẃini tok yók tẃi khe chwng yók kha; khẃi sachujak kha tei chwng yók kha.

⁸ Nokhayung bai ha snamnaisa Subraiyungni mungni se chini chubamung phai-o.