LOBMUNG 123 - Kok Borok (Re-edited) Bible (BSI)

Khairokmungni bagwi surimani

¹ O chuknohani achukthayungo achugwi tongnaisa, ang nini thani mokol tisaui naisa ja-o.

² Nai di, selengrok bini bugrani yakrokno naisik tẃi tei selengjwkrok bini bugrajwkni yakrokno naisik tẃi khe chwngbo chini mokolrok chini Subraiyung Kaitor khairok ya sak naisigwi tongo.

³ O Subraiyung chwngno khairok ja di, chwngno khairok ja di, tamni hwn ba bui chwngno belai kheno naislerjak kha.

⁴ Ang ahai’-no túng-túng khe tongwi thesra karinairok bai thesra karijakmani tei kung chuknairok bai naislerjakmani belai khe báng kha. Bini Bororokno Kati rwnaisa Kaitor