LOBMUNG 122 - Kok Borok (Re-edited) Bible (BSI)

¹ Bórok ano “Phai di tho Subraiyungni nogo him di!” hwnwi sa phuru ang belai tongthok kha.

² O Jerusalem, chini yakungrok nini duglam kotorni bisingo bachajak.

³ O Jerusalemno kaisa kamiyung naithok khlaiwi tisajak kha.

⁴ Aro bosongrok kasaui thángo, Subraiyungni bosongrok, Israilno dagijakma tẃi Subraiyungni mungwi hambai rw laina bagwi.

⁵ Tamoni hwn ba arono bujni achukthairok achuk rwjak kha Daudni nokni achukthayungrok.

⁶ Jerusalemni tong kwchangni bagwi suri di: “Nono hamjaknairok hamcha thung.

⁷ Nini chokdeual bisingo kwchang kwchang wng thung, tei nini nok kuchukrogo kati rwjak wng thung.”

⁸ Ani takhukrok tei kichingsong nini bagwi ang hai hwnwi sanai, “Nini bisingo khakchangma tong thung.”

⁹ Subraiyung chini Kaitorni nokni bagwi ang nini kaham naituknai.