LOBMUNG 120 - Kok Borok (Re-edited) Bible (BSI)

Chubamung sanwi surimani

¹ Birmano klai phuru ang Subraiyungno ring kha, hakhe bo ani ringmano khna kha:

² “O Subraiyung ano tatal sanaini búkhúk bai bandinaini bwslaini phiyók ja di.”

³ Bo nono teibo sátok glak diba? O bandinai bwslai, bo nono tamo rwnai?

⁴ Sengkrakrokni chakhla kwplá tei junipar-phangni chẃngjak hokhi!

⁵ Ham li ya, tamni hwn ba ang Mesek ha-o phatarsa se, ang Kedarni ríni nogo se ma tong si-o.

⁶ Kwtha laimungno chajak yarok bai sal kolokma ang ma tong kha.

⁷ Ang kwchang kwchang hamjago; ang tong kwchangni kók sa khe bórok chobani kók se sa-o.