LOBMUNG 113 - Kok Borok (Re-edited) Bible (BSI)

Subraiyungni kahamno lobsaui

¹ Subraiyungno lob di! O Subraiyungni selengrok lob di: Subraiyungni mungno lob di.

² Tabukni simi mol brúmno Subraiyungni mung hamchajak wng thung.

³ Sal kamani simi sal thángma jora Subraiyungni mung lobjak thung.

⁴ Subraiyung bebak dopharokni slái kuchugo, tei bini chẃngsacha nokharokni slái kuchuk.

⁵ Kuchugo tongnaisa chini Kaitor Subraiyung hai sabo tong?

⁶ Bo bomwi nokha bai hano naikhlaiwi nai-o.

⁷ Bo borok basrano hadlwini khocha-o, bigrano manwi hamya burungni khochaui tisa-o.

⁸ Hakhe borok kotorrok bai bono achuk rwna bagwi tei bini bororokni bokhorok bai achuk rwnani bagwi se bo abono khlai-o.

⁹ Bo banji bwrwino chwrai-khonai rwui núkhungo bwkha srangjak buma snamo. Subraiyungno lob di!