LOBMUNG 110 - Kok Borok (Re-edited) Bible (BSI)

¹ Subraiyung, ani Subraino hai hwnwi sa-o, “Achuk di oro ani yagra bwkhak, khlai ya sak ang nini kebengnai arirokno nini yakung boksajaknai.”

² Subraiyung Siyonno tongwi ha bubagrani phankrak phanno rohornai. Kena arirokni bisingo tongwi habugra wng di.

³ Nwng sengkrakrokno tẃither phuru nini bororok sak baithang’-no hathái kwtharrogo nono yaphar anw. Phung aidrobo pantwi oksingni phai tẃi khe nini siklarok nini thani phai anw.

⁴ Subraiyung kók rw kha, bo bini bwkha chongmano slái glak, “Melkisedek hai nwngbo mol brúmni ochai.”

⁵ Subraiyung nini yagra bwkhak; bini jolima salo habugrarokno bo sukhrupnai.

⁶ Bo dopharokni bisingo buj thumnai, bo mang kwthwirok bai ha supungnai; bo ha gwnangwini bokhorokrokno swkaknai.

⁷ Bo lama-o twisani twi nungnai; aboni bagwi bo bokhorok tisanai.