LOBMUNG 11 - Kok Borok (Re-edited) Bible (BSI)

¹ Ang Subraiyungni thani bwkha berajak. Nwng ano bahai khe “Tóksa hai khe birwi hathái-o khár di hwnwi sa;

² tamni hwn khe nai di, borok hamyarok bórokni badukhung thonsa kha, mwnago bwkha sutrangrokno kokna bagwi bórok chakhla budugo thepa kha.

³ Tumung yaphang phuichajak khe borok kahamrok tamo khlainai?”

⁴ Subraiyung bini nok kwtharo; Subraiyungni achukthayung chuknoha-o. Bini mokol bororokni saka kaichomwi tongo, Bo borokno kaichomwi naikhlaiwi tongo.

⁵ Subraiyung borok kaham tei borok hamya kwnwino’-no chánai-o, bo thamchi kutungrokno naislerjago.

⁶ Bo borok hamyarokni saka-o hokhi bai gwndwkni uatwi ua rwnai; khampro rwnai, nokbar se bini nungjaknai wngnai.

⁷ Tamoni hwn ba Kaitor khe kaham; bo samung kahamrokno hamjago; borok sutrang bini mwkhang nuknai. Rwchapmung tẃithernaini bagwi Siminit bai khe Daudni rwchapmung