LOBMUNG 101 - Kok Borok (Re-edited) Bible (BSI)

¹ Ang nini kwma phlai ya hamjakmung tei bujsóino tẃiwi rwchapnai; O Subraiyung ang rwchapnai.

² Khait kwrwi lamano tẃi ang kaichomwi uansuknai. Ang buphuru abono mannai kha? Ang ani noksingo bwkha kwthar bai tongnai;

³ Ani mokol bwskango mungsa hamyano ton glak. Lama hamya-o himwi samung tangnairokno ang naislero; Abo ang bai gwdalwi tong glak.

⁴ Bwkha sitra ang bai hakchal khe tongnai; hamya-sitra bai ani kwrwng laimung tong glak.

⁵ Tepsa khe nok-arini borokno sejanai borokno ang sokomornai. Borok torwi phunuknai tei bwkha-o kung chuknairokno ang bwkha lok glak.

⁶ Hani kók khnaui tongnairokno ang naikhlai tongnai, hakhe bórok ang bai tongwi mannai; khait kwrwi lama tẃi himnai bororok bórok ano ma monnai.

⁷ Bandinai borok khoroksa phano ani nogo ma tong glak; tatal sanairok khoroksa phano ani mokol bwskango ma tong glak.

⁸ Bebak samung hamya tangnairokno Subraiyungni taunni rwkhlaiwi, phung aidrob brúmno ang hani bebak borok hamyarokno sokomornai. Khoroksa tekto-o klaijak Subraiyungni thani tentaiwi samani