LOBMUNG 1 - Kok Borok (Re-edited) Bible (BSI)

BIJAP KAISA ( Lob 1—41 ) Tongthokma kubui

¹ Borok hamyarokni kók bai tong ya bo hamchajak, bo sumsok gwnangrok bai him ya, eba buino hamya sanairok bai achuk ya;

² tamo khe Subraiyungni raida bai se tongthok jago, tei hor sal Subraiyungni kerongno kaichomwi uansugo.

³ Bo twi rukungo káijak buphang hai, bo bini jora-o bwthái thái-o tei bini bwláirok kormosa ya. Bini samung tangmarok chasa bai-o.

⁴ Borok hamyarok le abo hai ya, tamo khe bórok gundak hai se, abo nokbar bai kobon rwui tlangjago.

⁵ Aboni bagwi borok hamyarok bujo bacha glak, sumsok gwnangrokbo borok kahamrokni bodolo bacha glak;

⁶ tamo khe Subraiyung borok kahamrokni yaprino naikhlaiwi tongo, borok hamyarokni lama le komornai.