LEKHAMUNG 29 - Kok Borok (Re-edited) Bible (BSI)

Bisi kwtalni panda-o yapharmani

¹ “Nokha talsnini puilani salo norok kwthar khe kuthum lai di, aphuru mungsa samung ta tang lai di, a salo nwng totro kotor ma subnai,

² hakhe norok aphuru Subraiyungni thani sógwi motom báhai ma yapharnai. Musuk ma sa, mera ma sa, nokha bisi kaisani mera bwsa derajak kwrwi mak sni ma yapharnai;

³ phiya bórokni maichlam yapharmung auan kwsap thok kaham bai buljak musukni bagwi Epha kaisani chi-o kaitham, mera masani bagwi chi-o kainwi ma yapharnai.

⁴ Tei mera bwsa mak snini bagwi khe chi-o kaisa ma yapharnai.

⁵ Nini sumsok sunani bagwi khe punjua masa sumsok yaphar mung ma yapharnai.

⁶ O yapharmungno sal brúm brúm tal kwtalo sógwi yapharmani maichlam yapharmani, nungmung yapharmarokno karwi se Subraiyungni thani báhai motom rwui ma yaphar phinai.

Sumsok sújakmani salo yapharmani

⁷ “Nokha talsnini salchini salo norok kwthar khe kuthum lai di, norok mungsa ta bo ta chá di tei samung bo ta tang lai di.

⁸ Phiya ba norok Subraiyungni thani-o sógwi motom báhai khe yaphar lai di, musuk ma sa, mera ma sa, nokha bisi kaisani mera bwsa mak sni derajak kwrwino ma yapharnai.

⁹ Tei bórokni maichlam yapharmungni bagwi auan kwsap thok kaham buljak, ma sa masani bagwi Epha kaisani chi-o kaitham, mera masani khe chi-o kainwi ma rwnai.

¹⁰ Mera mak snini, mera bwsa ma sa masani bagwi khe chi-o kaisa khe ma yapharnai.

¹¹ Tei sumsokni bagwi khe punjua masa, sumsok sunani bagwi sumsok yaphar mungno karwi sal brúm brúm o sógwi yapharmani, maichlam yapharmani tei nungmung yapharmani ma tongnai.

Tongthaini tero yapharmani

¹² “Nokha talsni talni salchibani salo norok kwthar khe kuthum lai di, aphuru mungsa samung ta tang lai di, norok Subraiyungni bagwi nokha salsni panda khlai di.

¹³ Tei norok Subraiyungni thani-o motom báhai sógwi yaphar lai di. Musuk beres mak chitham, mera maknwi, nokha bisi kaisani mera bwsa mak chibrwi, omorok derajak kwrwi ma wngnai.

¹⁴ Tei bórokni maichlam yapharmungni bagwi auan kwsap thok kaham bai buljak musuk ma sa masani bagwi epha kaisani chi-o kaitham, maknwi merani bagwi chi-o kainwi,

¹⁵ tei mak chibrwi mera bwsani khe masa masani bagwi chi-o kaisa

¹⁶ tei sumsok yaphar mungni bagwi punjua ma sa sal brúm brúm sógwi yapharmani, bwchlwi yapharmani tei nungmung yapharmano karwi omorokno yapharnai.

¹⁷ “Nokha salnwini salo musuk beres chinwi, mera maknwi tei nokha bisi kaisani mera bwsa mak chibrwi derajak kwrwirokno ma yapharnai.

¹⁸ Musukrok, merarok tei mera bwsarok, bángmani swkno omorok bai baksa maichlam, yapharmungrok tei nungmung yapharmungrok bo ma yapharnai,

¹⁹ phiya sumsok yaphar mungni bagwi khe punjua masa sal brúm brúm sógwi yapharmani, maichlam yapharmani tei nungmung yapharmano karwi bo omono ma yapharnai.

²⁰ “Nokha salthamni salo khe musuk chi sa, mera maknwi, nokha bisi kaisani mak chibrwi mera bwsa chwla derajak kwrwino ma yapharnai.

²¹ Tei musukrok, merarok tei mera bwsarok bángma swkno omorok bai baksa maichlam yapharmung, nungmung yapharmungrok bo ma yapharnai.

²² Tei sumsok yapharmungni bagwi khe punjua masa, sal brúm brúm sógwi yapharmani, maichlam yapharmani tei nungmung yapharmano karwi omono ma yapharnai.

²³ “Nokha sal brwini salo khe musuk mak chi, mera maknwi, nokha bisi kaisani mak chibrwi mera bwsa chwla derajak kwrwirokno ma yapharnai.

²⁴ Tei omorok bai baksa maichlam yapharmung, nungmung yapharmung, musukrok, merarok, mera bwsarok bángma swkno ma yapharnai,

²⁵ tei sumsok yapharmungni bagwi khe punjua masa sal brúm brúm sógwi yapharmani, maichlam yapharmani tei nungmung yapharmarokno karwi omono ma yapharnai.

²⁶ “Nokha salbani salo khe musuk mak chuku, mera maknwi, nokha bisi kaisani mak chibrwi mera bwsa chwla derajak kwrwirokno ma yapharnai.

²⁷ Tei omorok bai baksa maichlam yapharmung, nungmung yapharmung, musukrok, merarok, mera bwsarok bángma swkno ma yapharnai.

²⁸ Tei bo sumsok yapharmungni bagwi khe punjua ma sa sal brúm brúm sógwi yapharmani maichlam yapharmani tei nungmung yapharmano karwi ma yapharnai.

²⁹ “Saldokni salo khe musuk mak char, mera maknwi, nokha bisi kaisani mera bwsa chwla derajak kwrwirokno ma yapharnai.

³⁰ Tei omorok bai baksa bwthái-bokol yapharmung, nungmung yapharmung musukrok, merarok, mera bwsarok bángmani swkno ma yapharnai.

³¹ Tei bo sumsok yapharmungni bagwi khe punjua masa sal brúm brúm sógwi yapharmano karwibo, bwthái-bokol yapharmung tei nungmung yapharmung yaphar di.

³² “Nokha salsnini salo khe musuk mak sni, mera maknwi, nokha bisi kaisani mak chibrwi mera bwsa derajak kwrwirokno ma yapharnai.

³³ Tei omorok bai baksa maichlam yapharmung, nungmung yapharmung, musukrok, merarok, mera bwsarok bángmani swk ma yapharnai,

³⁴ tei bo sumsok yapharmungni bagwi khe punjua masa sal brúm brúm sógwi yapharmani, maichlam yapharmani tei nungmung yapharmarokno karwi omono ma yapharnai.

³⁵ “Nokha salcharni salo khe norok bebak kwthar khe ma kuthum bainai, aphuru norok mungsa samung ma tang ya.

³⁶ Hwn ba aphuru norok sógwi ma yaphar bainai, hór bai khe ma yapharnai, Subraiyungni thani-o báhai motom ma yapharnai; musuk masa, mera masa, nokha bisi kaisani maksni mera bwsa chwla derajak kwrwirokno, ma yapharnai,

³⁷ maichlam yapharmung, nungmung yapharmung musukrok tei mera bwsarok bángmani swkno ma yapharnai,

³⁸ phiya sumsok yapharmungni bagwi khe punjua masa sal brúm brúm sógwi yapharmani, maichlam yapharmani tei nungmung yapharmarokno karwi omono ma yapharnai.

³⁹ “Omorokno nwng Subraiyungni thani-o bisini jora chongjak panda-o ma yapharnai, swmai tangwi yapharmani, bwkha muchungwi yapharmani tei sógwi yapharmarokno karwi nini maichlam yapharmani, nini nungmung yapharmani tei khakchangma yapharmanirokno bo nini swmai tangmani tẃi’-no ma yapharnai.”

⁴⁰ Tei Musi Subraiyung bai dagijakmani haino omorok bebakno bebak Israil lukurokno sa bai kha.