LEKHAMUNG 26 - Kok Borok (Re-edited) Bible (BSI)

Philnwini borok lekhamani

¹ Bok páimani yagulo Subraiyung Musi bai ochai Aronni bwsla Eliasarno hai hwnwi sa kha;

² “Israilni bebak lukurokno, nokha bisiknwichi tei bini slái okra kukrokno núkhung thwgwi Israilrokni bisingo choba-o thángnani chúknairokno lekha bai di.”

³ Aboni bagwi Musi bai Eliasar ochai Moabni ha panthor Jordan twima láiwi Jeriko-o lukurokno thumwi hai hwnwi sa kha,

⁴ “Subraiyung Musino dagimani hai’-no nokha bisiknwichi tei bini slái okra kukrokno lekha bai di.” O Israil bororok’-no Ijip hani nongkhorwi phai bainairok:

⁵ Ruben, Israilni bwsla okra, Rubenni núkhungni bwsarok wng kha. Hanokni tẃi khe, Hanokni bosongrok Paluni tẃi khe, Paluni bosongrok

⁶ Hesronni tẃi khe, Hesronni bosongrok Karmini tẃi khe, Karmini bosongrok.

⁷ Omorok wng kha Rubenni núkhungni bwsarok; bórok bebagwi khorok 43,730 chwlarok simi.

⁸ Paluni bwsarok wng kha, Eliab,

⁹ bini bwsarok wng kha, Nemuel, Dathan tei Abiram, Dathan bai Abiram khoroknwirok lukurok bai chongjakmani, bórokno Musi bai Aronno kebeng lai kha tei Subraiyungno bo kebeng laiwi Korani bodolno dai lai kha.

¹⁰ Tamo khe ha khuaui bórokno Kora bai baksa monogwi pái kha, bórokni bodol hór bai khampraui khorok 250 borok thwi bai khe tei abo bororokni thani-o hus khe rwmani wng kha.

¹¹ Phiya ba Korani bwsarok khe o salo thwi li ya

¹² Simion bosongni sandairok wng kha, Nemuel khe Nemuel bosongni, Jamin khe Jamin bosongni, Jakhin khe Jakhin bosongni,

¹³ Sera khe Sera bosongni tei Sol khe ba Sol bosongni.

¹⁴ Omorok wng kha Simionni bosongni bebagwi khorok 22,200 chwlarok ká-o.

¹⁵ Gad bosongni sandairok wng kha. Sephon, Hagi, Suni,

¹⁶ Osni wng kha, Osni bosongni, Eri wng kha, Eri bosongni,

¹⁷ Arod khe Arodi bosongni tei Ereli khe Ereli bosongni.

¹⁸ Bórokni sandairok bebagwi wng kha khorok 40,500 chwlarok simi.

¹⁹ Judani bosongrok khe Eri bai Onan. Kanan ha’-ono Eri bai Onan khe thwi kha.

²⁰ Juda bosongni bórokni núkhungni bororok wng kha: Sela, bo wng kha Sela bosongni, Peres, bo wng kha Peres bosongni tei Sera, khe Sera bosongrokni.

²¹ Peresni bosongrok wng kha: Hesron, Hamul, Hesron wng kha Hesron bosongni, Hamul wng kha Hamul bosongni.

²² Omorok khe Juda bosongni bororok; bebagwi khorok 76,500 chwlarok ká-o.

²³ Omorok wng kha Isakar núkhungni bwsarok, Tola wng kha Tolasa bosongni Puba wng kha Punisa bosongni,

²⁴ Jasub khe Jasubni bosongni Simron khe Simron bosongni,

²⁵ Omorok khe wng kha Isakar bosongni bebagwi khorok 64,300 chwlarok ká-o.

²⁶ Sebulun núkhungni bwsarok wng kha Seredni bosongrok, Elonni bosongrok, Jalilni bosongrok,

²⁷ Omorok khe Sebulun núkhungni bororok; bebagwi khorok 60,500 chwlarok ká-o.

²⁸ Josepni núkhungni bwsarok wng kha, Manase bai Ephraim.

²⁹ Manaseni bwsarok wng kha Makir tei bini bosongrok, Makir khe Giliadni bupha, Giliadsa tei bini bosongrok.

³⁰ Omorokno Giliadni bwsarok. Iser khe Isersani bosongni tei Helek khe Heleksani bosongni,

³¹ tei Asriel khe Asrielsa bosongni tei Sekem khe Sekimsa bosongni,

³² Semida khe Semid bosongni tei Hepher khe Hephersani bosongni,

³³ Hepherni bwsla Selophehadni khe bwsa chwla khoroksa phano kwrwi bwrwirok máng se. Selophehadni bwsajwksongni mung wng kha Mala, Noa, Hogla, Milka tei Tirja.

³⁴ Omorokno Manaseni núkhungni bororok, bórok bebagwi khorok 52,700 ká-o.

³⁵ Ephraimni núkhungni bwsarok wng kha, Suthela khe Suthelasa bosongni, Beker khe Bekerni bosongni tei Tahan khe Tahanni bosongni.

³⁶ Omorok khe Suthelani bwsarok, Eran tei bini bosongrok.

³⁷ Omorok khe Ephraimni núkhungni bwsarok bórok bebagwi khorok 32,500 ká-o Omorok Josepni núkhungni bwsarok.

³⁸ Benjaminni núkhungni bwsarok wng kha, Bela tei bini bosongrok, Asbel tei bini bosongrok, Ahiram tei bini bosongrok,

³⁹ Sephupham, tei Hupham.

⁴⁰ Belani bwsarok wng kha, Ard bai Naman: Ard tei bini bosongrok, Naman tei bini bosongrok.

⁴¹ Benjaminni bosongni bwsarok wng kha bebagwi khorok 45,600 ká-o.

⁴² Omorok wng kha Danni bosongni bwsarok, Suham tei bini bosongrok, Omorokno Dan bosongni bwsarok,

⁴³ Bebak Suham bosongni bororok wng kha khorok 64,400 ká-o.

⁴⁴ Aserni núkhungni bwsarok wng kha, Imna tei bini bosongrok, Isbi tei bini bosongrok, Beria tei bini bosongrok,

⁴⁵ Beriani bwsarok wng kha, Heber tei bini bosongrok, Malkiel tei bini bosongrok

⁴⁶ Aserni bwsajwkni mung wng kha Sera.

⁴⁷ Omorokno Aserni núkhungni bwsarok, bórok bebagwi khorok 53,400 ká-o.

⁴⁸ Naptalini núkhungni bwsarok wng kha Jasel tei bini bosongrok, Guni tei bini bosongrok,

⁴⁹ Jeser tei bini bosongrok, Silem tei bini bosongrok.

⁵⁰ Omorok khe Naptalini núkhungni bwsarok tei bórok bebagwi khorok 45,400 ká-o.

⁵¹ Omono Israil dophani bororok, bórok khorok 601,730 ká-o.

⁵² Subraiyung Musino hai hwnwi sa kha,

⁵³ “Borok lekhajakmani tẃi hano banta khe thwk rwui rw bai di.

⁵⁴ Borok kwbángno khe kwbáng kuk, borok kisano khe kisa kuk khe rw bai di, borok bángmani tẃi kheno bórokno banta khe rw bai di.

⁵⁵ Phiya ba o hano khe pat karwi se banta ma khlainai, bu núkhung bo’-bo hano mannai abo bai ma chongnai.

⁵⁶ Bodol kotor bai kotoino pat karwi ha banta ma rwnai.”

⁵⁷ Omorok wng kha Lebini núkhungni bororok, Gerson tei bini bosongrok, Kohat tei bini bosongrok, Merani tei bini bosongrok.

⁵⁸ Omorok tei bo Lebi núkhungni bororok, Hebronni núkhungrok, Maliteni núkhungrok, Musitsani núkhungrok, Korahitni núkhungrok, Kohat khe Amramni bupha.

⁵⁹ Amramni bihik khe Jokebed, Lebini bwsajwk, Ijip ha-o achainai. Bo Amramni khe bwsa Aron bai Musi tei bórokni hanok Miriamno man kha.

⁶⁰ Aron chwla bwsa khorokbrwi man kha, Nadab, Abihu, Eliasar tei Ithamar.

⁶¹ Phiya ba Nadab bai Abihu khe Subraiyungni bwskango kwthar ya hórno yapharmani bai thwi bai kha.

⁶² Lebi chwlarokni bisingo nokha talsani chwrai tei bini slái okra kuk khe bebagwi khorok 23,000 ká-o, bórok Israil lukurokni bisingo lekhajak ya, tamni hwn ba bórokno Israil lukurokni bisingo ha banta rwjak ya.

⁶³ Omorokno Musi Eliasar ochai bai lekhajak bainai Israil bororok ha panthor Moabni Jordan gana-o Jeriko-o lekhajak bainairok.

⁶⁴ Hwn ba hasing panthor Sinai-o Musi tei Aron bai lekhajak bainai Israil bororok tabuk khoroksa phano kwthang kwrwi kha.

⁶⁵ Tamni hwn ba Subraiyung bórokno hai hwnwi sa kha, “Bórok hasing panthoro’-no ma thwi bainai.” Bórokni bisingo khoroksa phano Jephune bwsla Kaleb tei Nunni bwsajla Josuano karwi kwthang tong rwk li ya.