JOSUA 19 - Kok Borok (Re-edited) Bible (BSI)

Simionno rwmani amchoi

¹ Aboni ulo Simion bosongno núkhung mareui rwjak kha. Tei bórokni manma banta khe Judai bosongno rwmani amchoi bisingo klai-o.

² Abo wng kha Birseba, Molada,

³ Hajarsual, Bala, Ejem,

⁴ Eltolad, Bethul, Horma,

⁵ Jiklag, Betmarkabot, Hajar-susa,

⁶ Bet Lebaot tei Saruhen, kamiyung chitham tei bórokni kamirok;

⁷ Ain, Rimon, Ether tei Asan kamiyung khung brwi tei bórokni kamirok,

⁸ abo teibo kamiyung kitingwi tongnai kamirok Balat-bir (Rama), salgrabai jora, omono Simion bosongni bórokni núkhungrok mareui manmani.

⁹ Juda bosong manmani kisa bángmani bagwi baksa amchoi Simionni bosongno rwjak kha.

Jebulunno rwmani amchoi

¹⁰ Uáitham jora-o banta khe rwmani khe Jebulunni núkhungrokno rwjak kha, bórok manmani amchoi Sarid jora sógwi kha.

¹¹ Bórokni ha ari saltháng bwkhak Marala tei Dabeset jora phiya twisa tẃi khe Jokniam jora khu-ui kha.

¹² Hakhe Saridni simi salka bwkhak tẃi khe Chislot Tabor ha arini salka bwkhak thángwi, Japhia-o laiwi Daberat bwkhak.

¹³ Tei aroni simi salkani Gat-Hepher tei Ethkajin tei Rimon phaising thángwi Neani ari jora.

¹⁴ Hakhe ha kitingwi a ari khe Hanathonni salsibai-o tei abo Ipthaelni harungo thak kha.

¹⁵ Katat, Nahalal, Simron, Idala tei Betlehem: Bórokni kamirok bai khungchinwi kamiyungrok.

¹⁶ Omono Jebulun bosongni núkhung mareui manmani kamiyungrok bai kamirok.

Isakarno rwmani amchoi

¹⁷ Aboni ulo uái brwini jora banta khe rw phuru khe Isakarni klai kha, Isakarno núkhung mareui rwjak kha.

¹⁸ Tei bórokni amchoirok Jejril jora sógwi-o tei Kesulot, Sunem,

¹⁹ Hapharaim, Siyon, Anaharat,

²⁰ Rabit, Kision, Ebes,

²¹ Remet, En-gannim, En-hada tei Bet-pajer jora,

²² tei ha ari Tabor, Sahajuma tei Bet Semes jora khui-o; bórokni ha ari Jordan jora: Kamirok bai tei khungchi dok kamiyungrok khopjago.

²³ Omo wng kha Isakar bosongni núkhungrok mareui manmani banta, kamiyungrok tei kamirok.

Aserno ha banta rwmani amchoi

²⁴ Aboni ulo uái bani jora banta khlaima-o khe, Aser bosongni núkhungrokno mareui ha rwjak kha.

²⁵ Bórokni amchoi duljak kha, Helkat, Hali, Beten, Aksap,

²⁶ Alamelek, Amad tei Misal; Saltháng bwkhak abo Karmel bai twisa Sihor-libnato khu-ui kha.

²⁷ Abo salka bwkhak naharwi Betdagono khui-o tei abo Jebulun tei salsibai bwkhakni Ipthael harung jora khui kha, ulo khe salsibai bwkhak Bet-Emek tei Neiel khu-ui kha, hakhe abo yaksi bwkhakni Kabulni simi wngwi tháng phiro.

²⁸ Ebron, Rehob, Hammon tei Kanano khobwi tei hakchal kotor Sidon jora.

²⁹ Aroni koiwi Rama wngwi kamiyung kwrak Turo khu-uio; hakhe ha ari Hosa bwkhak koiwi ha kwcharni twijlango thak kha abo Mahalab, Akjibni amchoi jora.

³⁰ Phiya Umma, Aphek tei Rehob aro khopjago: bórokni kamirok bai tei kamiyung khung nwichirokbo khopjago.

³¹ Omono Aser bosongni núkhung thwgwi bórok ha banta manmani kamiyungrok bai kamirok.

Naptalino rwmani amchoi

³² Aboni ulo uáidokni jora-o ha banta rw phuru khe Naptali bosongni núkhungrokno ha rwjak kha; tamni hwn khe Naptali bosongrokno núkhung mareui rwjak kha.

³³ Bórokni ha ari wng kha: Helepni simi chengwi Ja-ananimni uk buphangni simi Adami-nekeb tei Jabnil tei hakchal Lakum wngwi Jordano thagwi-o;

³⁴ Hakhe abo ha ari pholokjagwi saltháng bwkhak Ajnot Tabor jora, aroni simi Hukok bwkhak; abo thángwi salgrabai bwkhak Jebuluno, saltháng bwkhak Aser tei salka bwkhak Jordan tẃi khe ha Judia-o thagwi-o.

³⁵ Kamiyung krakrok wng kha: Jidim, Jer, Hamat, Rakat, Chineret,

³⁶ Adama, Rama, Hajor,

³⁷ Kedes, Edrei, En-Hajor,

³⁸ Yiron, Migdalel, Horem, Bet Anat tei Bet Semes: kamiyung chichuku tei kamirok.

³⁹ Omono Naptali bosongni núkhungrokno mareui ha banta rwjakmani, kamiyung bai kamirok.

Danno rwmani amchoi

⁴⁰ Aboni ulo uái snini jora-o banta khe rw phuru, Dan bosongni núkhungrokno mareui rwjak kha:

⁴¹ Tei bórokni manma banta amchoirok wng kha, Jora Estaol, Ir-semes,

⁴² Salbim, Aijalon, Ithla,

⁴³ Elon, Timna, Ekron,

⁴⁴ Elteke, Gibethon Balat,

⁴⁵ Jehud, Bene Berak, Gat-rimon,

⁴⁶ Mejarkon, Rakon tei Jopa ganarokni amchoi khobwi,

⁴⁷ tei Danrokni ha ari omoroknobo láiwi tháng kha tamni hwn khe Danni bosongrok Lesem bai choba nang laina tháng kha tei seng bai buthar baiwi abono segwi naui arono tong lai kha. Bórokno Lesem hwnjago Dan khe bórokni buphani bumung Danno rwgwi se Dan hwnjago.

⁴⁸ Omono Dan núkhungni bosongrok núkhung mareui manmani ha banta tei kamiyungrok bai kamirok.

Páithakni ha banta khlaimani

⁴⁹ Israilni bororok ha banta khlai lai bai khe, bórok Nunni bwsla Josuanobo bini banta rw lai kha.

⁵⁰ Subraiyung dagimani haino bórok bo sanma kamiyungno bono rw kha: Ephraim hathái hani Timnat-sera kamiyungno rw lai kha. Bo aro kamiyung tangwi arono kami khaui tong kha.

⁵¹ Omo hai khe ochai Eliasar, Nunni bwsla Josua tei Israil bosongni núkhungrokni tẃiphangrok Siloni Subraiyung bai malaimani bagwi Subraiyungni ríni nok bwskango pat karwi ha banta na lai kha. Hakhe bórok ha banta na laimani samung pái kha.