JISAIA 18 - Kok Borok (Re-edited) Bible (BSI)

Kaitor Sudanno sátoknai

¹ Ithiopiani twimarokno lái thángwi ha kwrẃngsa tongo, a ha-o bwkrangni khorang khna-o;

² a hani habugrani tẃitunrok Nil twimani twi tẃi khe budukni snamjak rungrok bai khe tokhlai phai-o! Kodo tẃitunrok twima bai khe khakjak kwrak phan gwnang tei dopha naithokrokni thani ganani tei hakchalni bebak kirijaknai kuchuk kotor kwplairokni thani kókrok tlangwi tháng di.

³ Hayungo tongnai bebakno tei ha saka-o tongnairok, hathái saka-o marini bana tisajak phuru khe mokol kai di! Totro kotor tam phuru khe khna di!

⁴ Tamni hwn khe Subraiyung ano hai hwnwi sa kha, “Ang siring siring khe mai rama molni srai-srai sal hai’-no tei horo siyari tisama hai khe ang ani tongthaini naikhlainai.”

⁵ Angurrok bubar bwthái wng ya sini’-no tei angur bwtháirok rá ya sini’-no bo abórokno sengsa kubuk bai khe raui páinai, rotomsajakno bo tanwi páinai tei bedekroknobo tanwi páinai.

⁶ Bórokno hachukni toksa-toktẃirokni thani tei ha sakani mal-matarokni thani haino khibiui rwjaknai. Sachlango khe bórokno tokrok chánai tei masing jora-o khe ha sakani mal-matarok chá lainai.

⁷ Omo hai jora phaiwi tongo, aphuru Phankrak Subraiyung o twima bai swkakjak hani yapharmungno yachaknai, bórok phan tei suar tẃi tongnai dopharok, bórok kuchuk-kotor tei bukur milik gwja. Bórok Phankrak Subraiyung surijakma Siyon hathái-o phainai.