HOSEA 3 - Kok Borok (Re-edited) Bible (BSI)Hosea bai kók narwk ya bwrwima 1 Subraiyung ano sa phi kha, “Tháng di, a balikna hamjaknaijwkno, Israilni bororok kubun mwtairokno hamjagwi tei bwthái kwranni auan-chuanno hamjagwi tháng phano bórokno ang hamjak phima hai khe nwngbo hamjak phi di.” 2 Hakhe ang bono rukphaini rang lep chiba, barli Kilogram 150 tei angur bwtwi bai khe pai kha. 3 Hakhe ang bono hai hwnwi sa kha, “Nwng ang bai sal kwbángma tongnai; nwng bui bai chásmai tongwi man glak eba buini hik wngwi man glak; abo hai khe tong khe angbo nwng bai tongnai. 4 Abo hai khe Israilsarok sal kwbángma habugrarok eba naikolphangrok kwrwi khlaiwi, barokmungrok eba mwtaini thongla, eba ephod kwrwi khe ma tongnai, ratharwi barokmung eba holong thong kwtharrok kwrwi khlaiwi, tei sema naina bagwi mwtai-mang kwrwi khe ma tong anw.” 5 Aboni yagulo Israilsarok bwkha kiphilwi bórokni Subraiyung Kaitorno tei bórokni habugra Daudno naituknai; bórok kirima gwnang khe Subraiyungni thani phaiwi hamari yachaknai. |
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
Bible Society of India