1 BOSONG 9 - Kok Borok (Re-edited) Bible (BSI)

Khajagwi tlangjak bainai bororok kiphilmani

¹ Israilni bebak bororokni bosong mareui Israilni habugrarokni bijabo swijak kha. Judani bororok bórokni sumsokni bagwi buini ha Babilono khaui tlangjak bai kha.

² Tabuk swkang sakni tongma ha-o tei kamiyungo kiphilnairok wng kha Israilni bororok, ochairok, Lebirok, noktharo samung tangnairok.

³ Tei baksa Judani, Benjamin, Ephraim tei Manaseni bororok Jerusalemo tong bai kha.

⁴ Uthai Amihudni bwsla, Omrini bwsla, Imrini bwsla, Banini bwsla, Judani bwsla, Peres bosongni.

⁵ Tei Siloni: Asaia, bwsla okra tei bini bwslarok.

⁶ Jera bosongni: Jeuel tei bórokni sandairok bebagwi núkhung 690 ká-o.

⁷ Benjamin bosongni: Mesulamni bwsla Salu, bo Hodabiani bwsla, Hasenuani bwsla.

⁸ Ibnia khe Jerohamni bwsla. Ela khe Ujani bwsla tei Mikrini busuk. Mesulam khe Sephatiani bwsla, bo khe Reuelni bwsla, bo Ibniani bwsla.

⁹ Bórokni bosongni sandairok bebagwi núkhung khung 956 ká-o, bebak bororok núkhungni bokhorokrok mángno.

Jerusalemo tong bainai ochairok

¹⁰ Jerusalemo tong bainai ochairok wng kha Jedaia, Jehoiarib, Jakhin,

¹¹ Hilkiani bwsla Ajaria (Kaitorni nok kwtharo tẃiphang kotor) bini chuchusong khe Mesulam, Sadok, Meraiot tei Ahitub.

¹² Jerohamni bwsla Adaia, bini chuchusong khe Pasur tei Malkija. Adielni bwsla Masai, bini chuchusong khe Jajera, Mesulam, Mesilemit tei Imer.

¹³ Bórokni sandairokno karwi núkhungni chukjak borokrok bebagwi khorok 1,760 ká-o. Bórok Kaitorni nogo samung tangna belai kwrwng gwja.

Jerusalemo tong bainai Lebirok

¹⁴ Jerusalemo tong bainai Lebirok wng kha Hasubni bwsla Semia, bini chuchusong khe Ajrikam, Hasabia, Merarini berem.

¹⁵ Bakbakar, Heres, Galal, Mikani bwsla Matania, bini chuchusong Jikhri, Asap,

¹⁶ Semiani bwsla Obadia, bini chuchusong Galal, Jeduthun. Asani bwsla Berekia, Elkanani busuk, bo Netophatsani kamiyungo tongo.

Jerusalemo tong bainai nokthar mwrwknairok

¹⁷ Doglam mwrwknairok wng kha Salum, Akub, Talmon, Ahiman, Salum khe bokhorok,

¹⁸ bórok salka bwkhago habugrani nok duglamo tongo. Bórok swkango Lebirokni bathamni duglam mwrwknairok.

¹⁹ Koreni bwsla Salum, Ebiasapni busuk, Kora tei bini bosongni sandairok bórokni chuchusong Subraiyungni batham mwrwknani barja tongmani haino bórokbo Subraiyungni nokni duglam mwrwkna barja tongo.

²⁰ Eliasarni bwsla Phinehas agi-o bórokni tẃithernai tei Subraiyungbo bo bai tongo.

²¹ Meselemiani bwsla Sakaria Subraiyungni nok duglam mwrwknai wng kha.

²² Bórok bebagwi khorok 212 bororok rínok duglam mwrwknani bagwi chongjak bai kha. Bórok tongmani kamirokno tẃiwi’-no bijabo swijak bai kha. Habugra Daud tei diyari Samuelno bórokno abo hai barja gwnango achuk rw kha.

²³ Hakhe bórok tei bórokni bosongrok kwrwngwi Subraiyungni nok duglam mwrwknai wng kha.

²⁴ Doglam mwrwknairok salka, saltháng, salsibai tei salgrabai babaibrwi-o tong bai-o.

²⁵ Kamirogo tong bainai bórokni sandai-masakrok hati barsa-o uáisa phaiwi mwrwknani samungno slái phai-o.

²⁶ Khorokbrwi duglam mwrwknai bokhorokrok wng kha Lebirok, bórok nokthar khotolni tei aroni rang-rírokni barja mano.

²⁷ Bórok nokthar gana-o hopung tong bai-o, tamni hwn ba mwrwknani teini phungo khe duglam phiyoknani bagwi barja berjak.

Tei kubun Lebirok

²⁸ Tei baksa Lebirok khe khulum phuru samung nangmani manwirokni barja man bai kha, tamni hwn ba bisingo tubu phuru tei phataro tlang phuru lekhana nango.

²⁹ Bórokni bisingo baksa khe buphangni manwirok tei kwthar manwirok, nok bising, angur bwtwi, thok, satrai motom, mosolarokni barja tong bai-o.

³⁰ Mosolarokno sabulnani bagwi ochairokni thani barja.

³¹ Matithia hwnwi khoroksa Lebi, Kora bosongni Salumni bwsla okra khe auan hangnani barja chongjak kha.

³² Kohatsarokni baksa borok khe auan kwthar sabat brúm tiyar khlainani bagwi barja chongjak.

³³ Baksa Lebi núkhungni bororok noktharo tammung tamnani bagwi chongjak, bórok nokthar tei kubun nogo kubun samungrok ma tang ya khe tong bai-o, tamni hwn ba bórok hor-sal bórokni samung ma tango.

³⁴ Abórok wng kha Lebi núkhungni bosong bwtang tẃi khe bokhorokrok. Jerusalemo tongnairokni bisingo bórokno bokhorok.

Habugra Solni chuchusongrok bai bosongrok

³⁵ Jeiel Gibeon kamiyungno tangwi aro tong kha. Bini bihikni mung wng kha Maka.

³⁶ Bini bwsla okra wng kha Abdon, bini ulo khe Jur, Kis, Bal, Ner, Nadab,

³⁷ Gedor, Ahio, Sakaria tei Miklot.

³⁸ Miklot khe Simeani bupha. Bórokni sandairokni gana-o Jerusalemo tong lai-o.

³⁹ Ner khe Kisni bupha, Kis khe Solni bupha. Solni bwsla khoroktham tongo, Jonathan, Malkisua, Abinadab tei Esbal.

⁴⁰ Jonathanni bwsa khe Merib-bal, Merib-bal khe Mikani bupha.

⁴¹ Mikani bwsarok khe Pithon, Melek, Taria tei Ahas.

⁴² Ahas khe Jarani bupha, Jarani bwsarok khe Alemet, Asmabet tei Simri. Simri khe Mosani bupha.

⁴³ Mosa khe Biniani bupha, Binia khe Rephaiani bupha. Rephaia khe Eliasani bupha, Eliasa khe Ajelni bupha.

⁴⁴ Ajelni bwsa khorokdok tongo: Ajrikam, Bokeru, Ismael, Siaria, Obadia tei Hanan. Omorok wng kha Ajelni bwsarok.