Salmoù 87 - Bibl Koad 21: Ar Bibl e Brezhoneg evit ar Vretoned

Salm 87

¹ Salm; kanaouenn mibien Kora. Diazezet eo war ar menezioù santel.

² An AOTROU a gar dorioù Sion, muioc’h eget holl chomlec’hioù Jakob.

³ Traoù glorius a zo disklêriet warnout, o kêr Doue!  Ehan

⁴ Envel a ran Rahab ha Babel e-touez ar re a anavez ac’hanon. Setu aze bro ar Filistined ha Tir, gant Etiopia: e Sion int bet ganet.

⁵ Ha diwar-benn Sion e vo lavaret: Hemañ hag hennezh a zo bet ganet enni, hag an Uhel-Meurbet he nerzho.

⁶ O niveriñ ar pobloù, an AOTROU a skrivo: Aze eo int bet ganet.  Ehan

⁷ Hag ar re a gan evel ar re a zañs a lavar: Va holl mammennoù a zo ennout.