Salmoù 67 - Bibl Koad 21: Ar Bibl e Brezhoneg evit ar Vretoned

Salm 67

¹ D'ar mestr-kaner; salm; kanaouenn; gant binvioù-kerdin.

² Ra en devo Doue truez ouzhimp ha ma hor bennigo, ra lakaio e zremm da lugerniñ warnomp,  Ehan

³ evit ma vo anavezet da hent war an douar, ha da silvidigezh e-touez an holl vroadoù.

⁴ Ar pobloù az meulo, o Doue! An holl bobloù a veulo ac'hanout.

⁵ Ar broadoù a laouenaio hag a gano gant levenez, rak barn a ri ar pobloù gant eeunder, hag e reni ar broadoù war an douar.

⁶ Ar pobloù az meulo, o Doue! An holl bobloù a veulo ac'hanout.

⁷ An douar en deus roet e frouezh, Doue, hon Doue, a vennigo ac'hanomp.

⁸ Doue a vennigo ac'hanomp, hag holl bennoù an douar a zoujo anezhañ.