Salmoù 60 - Bibl Koad 21: Ar Bibl e Brezhoneg evit ar Vretoned

Salm 60

¹ D'ar mestr-kaner; war "Shushan-Edud"; "Miktam" David, evit kelenn.

² Pa reas brezel a-enep Siriz eus Mezopotamia hag a-enep Siriz eus Zoba, ha pa zeuas Joab da drec'hiñ daouzek mil Edomad e traonienn an Holen.

³ O Doue! Hon taolet kuit hag hor stlabezet ec'h eus, droug a zo aet ennout. Ra deomp adsevel!

⁴ Lakaet ec'h eus an douar da grenañ hag ec'h eus e ziframmet. Aoz e doulloù rak hejet eo bet.

⁵ Diskouezet ec'h eus da'z pobl traoù kalet. Roet ec'h eus deomp da evañ ur gwin mezvus.

⁶ Met roet ec'h eus d'ar re a zouj ac'hanout ur banniel evit tec'hout eus ar gwareg.  Ehan

⁷ Abalamour da'z re garet-mat da vezañ dieubet, hor savete gant da du dehou hag hor selaou!

⁸ Doue en deus komzet en e santual, hag e laouenain. Lodennañ a rin Sichem, hag e vuzuilhin traonienn Sukkod,

⁹ Galaad a zo din, din eo Manase, Efraim eo moger va fenn, Juda eo va lezenner,

¹⁰ Moab eo ar gibell en em walc'han enni, teurel a ran va botez war Edom. Douar ar Filistined, laosk kriadennoù em enor!

¹¹ Piv am reno etrezek ar gêr greñv? Piv am c'haso betek Edom?

¹² Ha n'eo ket te, o Doue, hag ac'h eus hon taolet kuit, te ha ned ae ken er-maez, o Doue, gant hon armeoù?

¹³ Ro deomp sikour evit tec'hout diouzh an estrenvan, rak sikour an den n'eo nemet moged.

¹⁴ E Doue e vrezelimp gant nerzh, hag eñ eo a vac'ho hon enebourien.