Salmoù 57 - Bibl Koad 21: Ar Bibl e Brezhoneg evit ar Vretoned

Salm 57

¹ D'ar mestr-kaner; "Miktam" David; war "Al-Tashed". Pa dec'has er vougev dirak Saül.

² Az pez truez, o Doue, az pez truez ouzhin! Rak va ene en em denn war-zu ennout. Tec'hout a ran dindan skeud da eskell, betek ma vo tremenet ar reuzioù.

³ Krial a ran d'an Doue uhel-meurbet, da Zoue a seven e oberenn em c'heñver.

⁴ Degas a raio eus an neñv hag am saveteo, lakaat a raio mezhek an hini a red war va lerc'h.  Ehan  Doue a gaso e vadelezh hag e wirionez.

⁵ Va ene a zo e-touez al leoned, emaon o chom e-touez tud o c'hwezhañ flammoù, tud a zo o dent goafioù ha biroù, hag a zo o zeod ur c'hleze lemm.

⁶ O Doue, sav war an neñvoù! Ra vo da c'hloar war an douar holl!

⁷ Stegnet o doa ur pech da'm fazioù, va ene a vrañselle, toullet o doa ur poull dirazon, kouezhet int ennañ.  Ehan

⁸ Prest eo va c'halon, o Doue! Prest eo va c'halon. Kanañ ha seniñ a rin.

⁹ Dihun, va gloar! Dihunit, va lud ha va zelenn! Me a ziaraogo ar gouloù-deiz.

¹⁰ Aotrou, da veuliñ a rin e-touez ar pobloù, da ganañ a rin e-touez ar broadoù,

¹¹ rak da vadelezh a dap betek an neñvoù, ha da wirionez betek ar c'hoabr.

¹² O Doue! Sav war an neñvoù! Ra vo da c'hloar war an douar holl!