Salmoù 54 - Bibl Koad 21: Ar Bibl e Brezhoneg evit ar Vretoned

Salm 54

¹ D'ar mestr-kaner; "Maskil" David; gant ar binvioù-kerdin.

² Pa zeuas ar Zifiz da lavarout da Saül: Ha n'emañ ket David kuzhet en hon touez?

³ O Doue! Va salv dre da anv, ha gra din reizhder dre da c'halloud.

⁴ O Doue! Selaou va fedenn, ro da skouarn da c'herioù va genoù.

⁵ Rak diavaezidi a zo savet a-enep din, tud taer a glask va buhez. N'o deus ket lakaet Doue dirak o daoulagad.  Ehan

⁶ Setu, Doue eo va sikour, an AOTROU a zo e-touez ar re a harp va ene.

⁷ Lakaat a raio an droug da gouezhañ war va enebourien. Hervez da wirionez, distruj anezho!

⁸ Me a ginnigo dit aberzhoù a-greiz galon, meuliñ a rin da anv, o AOTROU, rak mat eo,

⁹ rak dieubet en deus ac'hanon eus va holl ankenioù, ha va lagad en deus gwelet va enebourien.