Salmoù 43 - Bibl Koad 21: Ar Bibl e Brezhoneg evit ar Vretoned

Salm 43

¹ Ro va gwir din, o Doue, ha difenn va c'haoz a-enep ur bobl disleal! Va dieub eus an den touellus ha fall!

² Rak te eo Doue, va nerzh. Perak ec'h eus va zaolet kuit? Perak e kerzhfen e kañv, dindan gwask an enebour?

³ Degas da sklêrijenn ha da wirionez, ra renint ac'hanon, ra gasint ac'hanon war da venez santel etrezek da dabernakloù!

⁴ Mont a rin etrezek aoter Doue, etrezek Doue, va joa ha va levenez. Ha da veuliñ a rin gant an delenn, o Doue, va Doue!

⁵ Perak ez out trist, va ene, hag e huanadez ennon? Bez en gortoz eus Doue, rak e veuliñ a rin c'hoazh. Eñ eo va silvidigezh ha va Doue.