Salmoù 3 - Bibl Koad 21: Ar Bibl e Brezhoneg evit ar Vretoned

Salm 3

¹ Salm David, pa dec'he dirak Absalom e vab.

² AOTROU, pegen niverus eo va enebourien! Pegement a dud en em sav em enep!

³ Pegement a lavar diwar va ene: Silvidigezh ebet evitañ e-kichen Doue!  Ehan

⁴ Met te, AOTROU, te eo va skoed, va gloar, an hini a laka ac'hanon da sevel va fenn.

⁵ Krial a ran gant va mouezh d'an AOTROU, hag e respont din eus e venez santel.  Ehan

⁶ Gourvez a ran, kousket a ran ha duhuniñ a ran, rak an AOTROU a zo va harp.

⁷ Ne'm eus ket aon dirak ar milieroù tud a zo oc'h en em renkañ a bep tu a-enep din.

⁸ Sav, AOTROU! Va savete, va Doue! Rak skoet ec'h eus war o jod va holl enebourien, torret ec'h eus dent ar re zrouk.

⁹ Ar silvidigezh a zeu eus an AOTROU, da vennozh a zo war da bobl!  Ehan