Salmoù 20 - Bibl Koad 21: Ar Bibl e Brezhoneg evit ar Vretoned

Salm 20

¹ D'ar mestr-kaner; salm David.

² Ra responto an AOTROU dit da zeiz da estrenvan, ra lakaio anv Doue Jakob ac'hanout en ul lec'h uhel,

³ ra gaso e sikour dit eus al lec'h santel, ra harpo ac'hanout eus Sion,

⁴ ra en devo soñj eus da holl brofoù, ha ra gavo mat da loskaberzhoù!  Ehan

⁵ Ra roio dit c'hoant da galon, ra seveno da benn da venozioù!

⁶ En abeg da'z tieubidigezh e laouenaimp, hag e savimp hor bannieloù en anv hon Doue. An AOTROU a seveno da holl c'houlennoù.

⁷ Gouzout a ran dija en deus an AOTROU saveteet e Olevad; respont a raio dezhañ eus neñvoù e santelezh, gant skoazell c'halloudek e du dehou.

⁸ Ur re o deus fiziañs en o c'hirri, reoù all en o c'hezeg, met evidomp eo en anv an AOTROU hon Doue.

⁹ Pleget o deus hag int kouezhet, met ni a zo savet ha startaet.

¹⁰ AOTROU, savete ar roue! Selaou ac'hanomp en deiz ma aspedomp ac'hanout!