Salmoù 16 - Bibl Koad 21: Ar Bibl e Brezhoneg evit ar Vretoned

Salm 16

¹ "Miktam" David. Va diwall, o Doue! Rak en em dennet on da'z kavout.

² Lavaret em eus d'an AOTROU: Te eo an AOTROU, ne'm eus mad ebet a-us dit!

³ Er sent hag en eneoù hael a zo war an douar eo e kavan va holl blijadur.

⁴ Idoloù a re zrouk a gresk, redek a reont war-lerc'h doueoù all. Ne rin ket o skuilherezh gwad, o anvioù ne dremeno ket dre va genoù.

⁵ An AOTROU eo va hêrezh ha va lodenn. Te eo an hini a starta va lodenn.

⁶ Va dalc'h am eus resevet e lec'hioù dudius, un hêrezh kaer a zo degouezhet din.

⁷ Bennigañ a ran an AOTROU, va c'huzul eo. Zoken e-pad an noz, va c'halon am c'helenn em diabarzh.

⁸ Emañ an AOTROU dalc'hmat dirazon, pa'z emañ a-zehou din, ne vrañsellin ket.

⁹ Seu perak va c'halon a laouena, va ene a gan a levenez, ha va c'hig zoken a ziskuizho e surentez.

¹⁰ Rak ne zilezi ket va ene e lec'h ar marv, ne lezi ket da sant gwelout ar vreinadurezh.

¹¹ Reiñ a ri da anavezout din hent ar vuhez. Ul leunder a levenez a zo dirak da zremm, ha plijadurioù a zo ez tu dehou da viken.