Salmoù 149 - Bibl Koad 21: Ar Bibl e Brezhoneg evit ar Vretoned

Salm 149

¹ Meulit an AOTROU! Kanit d'an AOTROU ur ganaouenn nevez! Kanit e veuleudi e bodadeg ar re a gar anezhañ.

² Ra laouenaio Israel en e Grouer, ra drido a levenez mibien Sion en o Roue!

³ Ra veulint e anv gant dañsoù, ra ganint dezhañ ouzh son an taboulin hag an delenn!

⁴ Rak an AOTROU a gav e blijadur en e bobl, hag e roio gloar d'ar re izel gant e silvidigezh.

⁵ Ra vint laouen er gloar ar re a gar anezhañ, ra laoskint kriadennoù a levenez war o gwele!

⁶ Emañ meuleudioù Doue en o genoù, hag ar c'hleze a zaou droc'h en o daouarn,

⁷ evit ober veñjañs war ar broadoù, evit kastizañ ar pobloù,

⁸ evit eren o rouaned gant chadennoù, hag o re vras gant hern,

⁹ evit ober warno ar varnedigezh a zo skrivet. An enor-mañ a zo evit e holl garet-mat. Meulit an AOTROU!