Salmoù 146 - Bibl Koad 21: Ar Bibl e Brezhoneg evit ar Vretoned

Salm 146

¹ Meulit an AOTROU! Ve ene, meul an AOTROU!

² Me a veulo an AOTROU e-keit ha ma vevin. Me a lido va Doue e-keit ha ma padin.

³ Na fiziit ket er re vras, nag e mab den ebet na c'hellfe ket dieubiñ,

⁴ e c'hwezh a ya digantañ, distreiñ a ra d'ar poultr, hag en deiz-se e ya da goll e c'hoantoù.

⁵ Eürus an den a zo Doue Jakob e sikourer, hag a zo en gortoz eus an AOTROU e Zoue,

⁶ en deus graet an neñvoù hag an douar, ar mor ha kement a zo ennañ, a zalc'h ar fealded da viken,

⁷ a ro o gwir d'ar re a zo gwasket, a ro bara d'ra re o deus naon! An AOTROU a ziere ar re zalc'het,

⁸ an AOTROU a zigor daoulagad ar re dall, an AOTROU a zibleg ar re a zo pleget, an AOTROU a gar ar re reizh.

⁹ An AOTROU a ziwall an diavaezidi, derc'hel a ra an emzivad hag an intañvez, met diskar a ra hent ar re zrouk.

¹⁰ An AOTROU a reno da viken. O Sion, emañ da Zoue a oad da oad! Meulit an AOTROU!