Salmoù 130 - Bibl Koad 21: Ar Bibl e Brezhoneg evit ar Vretoned

Salm 130

¹ Kanaouenn ar "Maalod". O AOTROU, da pediñ a ran eus an donderioù.

² AOTROU, selaou va mouezh! Ra vo da zivskouarn evezhius ouzh mouezh va fedennoù!

³ AOTROU, ma taolez evezh ouzh an direizhder, Aotrou, piv a bado?

⁴ Met ar pardon a zo ez kichen, evit ma vi doujet.

⁵ Gortozet em eus an AOTROU, va ene en deus e c'hortozet, hag em eus lakaet va esperañs en e gomz.

⁶ Va ene a c'hortoz an AOTROU, muioc'h eget ne ra ar warded ar beure.

⁷ Israel, fiz en AOTROU, rak an drugarez a zo e-kichen an AOTROU, hag an dasprenadur a zo fonnus en e gichen.

⁸ Eñ e-unan eo a zaspreno Israel eus e holl zireizhder.