Salmoù 128 - Bibl Koad 21: Ar Bibl e Brezhoneg evit ar Vretoned

Salm 128

¹ Kanaouenn ar "Maalod". Eürus an den a zouj an AOTROU, hag a gerzh en e hentoù!

² Rak debriñ a ri eus labour da zaouarn, eürus e vi hag e vleugni.

³ Da wreg a vo e-barzh da di evel ur winienn frouezhus, ha da vibien evel gwez-olivez en-dro da'z taol.

⁴ Ya, evel-se e vo benniget an den a zouj an AOTROU.

⁵ An AOTROU az pennigo eus Sion, hag e weli mad Jeruzalem e-pad holl zeizioù da vuhez,

⁶ hag e weli mibien da vibien. Ra vo ar peoc'h war Israel!