Salmoù 124 - Bibl Koad 21: Ar Bibl e Brezhoneg evit ar Vretoned

Salm 124

¹ Kanaouenn ar "Maalod"; eus David. Hep an AOTROU evidomp, ra lavaro Israel,

² hep an AOTROU evidomp, pa oa an dud a-enep deomp,

³ neuze o dije hol lonket en bev, pa en em dane o fulor en hon enep.

⁴ Neuze an doureier o dije hol lonket, ur froud en dije tremenet war hon ene.

⁵ Neuze an doureier herrus o dije tremenet war hon ene.

⁶ Benniget ra vo an AOTROU, n'en deus ket hol lezet evel ur preizh d'o dent!

⁷ Hon ene en deus tec'het kuit evel ul labous eus roued al labousetaer. Torret eo bet ar roued, ha ni hon eus tec'het kuit.

⁸ Emañ hor sikour en anv an AOTROU, en deus graet an neñvoù hag an douar.