Salmoù 122 - Bibl Koad 21: Ar Bibl e Brezhoneg evit ar Vretoned

Salm 122

¹ Kanaouenn ar "Maalod"; eus David. Laouen on pa lavarer din: Deomp da di an AOTROU!

² Hon treid a chom a-sav ez torojoù, o Jeruzalem!

³ Jeruzalem, savet out bet evel ur gêr a zo stardet etrezo sa savadurioù.

⁴ Di eo e pign ar meuriadoù, meuriadoù an AOTROU, ar pezh a zo un testeni en Israel, evit meuliñ anv an AOTROU.

⁵ Eno eo savet an tronioù evit ar reizhder, an tronioù evit ti David.

⁶ Pedit evit peoc'h Jeruzalem! Ra o devo ar peoc'h ar re a gar ac'hanout!

⁷ Ra vo ar peoc'h etre da vogerioù, hag an diskuizh e-barzh da balezioù!

⁸ Abalamour da'm breudeur ha da'm mignoned, e pedin evit da beoc'h.

⁹ Abalamour da di an AOTROU hon Doue, e c'houlennin evidout an eurvad.