Salmoù 114 - Bibl Koad 21: Ar Bibl e Brezhoneg evit ar Vretoned

Salm 114

¹ Pa'z eas Israel er-maez eus an Ejipt, ha tiegezh Jakob eus a-douez ur bobl kriz,

² Juda a voe e santual, hag Israel a zeuas da vezañ e zomani.

³ Ar mor en gwelas hag a dec'has, ar Jordan a zistroas a-dreñv,

⁴ ar menezioù a lammas evel tourzed, hag ar c'hrec'hiennoù evel oaned.

⁵ Petra az poa, o mor, evit tec'hout? Ha te, Jordan, evit distreiñ a-dreñv?

⁶ Ha c'hwi, menezioù, evit lammat evel tourzed? Ha c'hwi, krec'hiennoù, evel oaned?

⁷ Dour, kren dirak dremm an Aotrou, dirak dremm Doue Jakob,

⁸ a dro ar roc'h en ur stank, ar maen kalet e mammennoù doureier.