Salmoù 113 - Bibl Koad 21: Ar Bibl e Brezhoneg evit ar Vretoned

Salm 113

¹ Meulit an AOTROU! Meulit, c'hwi servijerien an AOTROU, meulit anv an AOTROU!

² Ra vo benniget anv an AOTROU, a-vremañ ha da viken!

³ Adalek ar sav-heol betek ar c'huzh-heol, ra vo meulet anv an AOTROU!

⁴ An AOTROU a zo savet dreist an holl vroadoù, e c'hloar a zo dreist an neñvoù.

⁵ Piv a zo heñvel ouzh an AOTROU hon Doue, o chom el lec'hioù uhel-meurbet,

⁶ sellout a ra d'an traoñ ouzh an neñv hag ouzh an douar,

⁷ hag e tenn an hini bihan eus ar poultr hag e sav ar paour diwar an teil,

⁸ evit e lakaat da azezañ gant ar re vras, gant re vras e bobl.

⁹ Reiñ a ra un ti d'ar wreg gaonac'h, hag e ra anezhi ur vamm laouen da veur a vugel. Meulit an AOTROU!