Salmoù 1 - Bibl Koad 21: Ar Bibl e Brezhoneg evit ar Vretoned

Salm 1 Levr Kentañ: Salmoù 1-41

¹ Eürus an den na gerzh ket hervez ali ar re zrouk, ha n'en em zalc'h ket en hent ar bec'herien, ha n'azez ket war skaon ar c'hoapaerien,

² met a gav e blijadur e lezenn an AOTROU, hag a breder e lezenn deiz ha noz.

³ Bez' e vo evel ur wezenn plantet war vord doureier-red, a ro e frouezh en e vare ha na c'hoeñv ket he delioù; kement a ra a zeuio da vat.

⁴ Ne vo ket evel-se gant ar re zrouk; met e vint evel ar plouz a zo kaset pell gant an avel.

⁵ Setu perak ar re zrouk ne badint ket pa vo ar varn, nag ar bec'herien e bodadeg ar re reizh,

⁶ rak an AOTROU a anavez hent ar re reizh, met hent ar re zrouk a yelo da goll.