Niveroù 7 - Bibl Koad 21: Ar Bibl e Brezhoneg evit ar Vretoned

Pennad 7 Prof priñsed Israel

¹ D'an deiz m'en doe echuet Moizez da sevel an tabernakl, ec'h olevas hag e santelaas anezhañ gant e holl draoù, hag ec'h olevas hag e santelaas an aoter gant hec'h holl draoù.

² Priñsed Israel, pennoù tiez o zadoù, priñsed ar meuriadoù, ar re o doa pennrenet an niveradeg, a reas o frof.

³ Degas a rejont o frof dirak an AOTROU, c'hwec'h karr doareet evel leterioù ha daouzek ejen, ur c'harr evit daou briñs hag un ejen evit pep hini, hag e kinnigjont anezho dirak an tabernakl.

⁴ An AOTROU a gomzas da Voizez o lavarout:

⁵ Kemer diganto an traoù-se, hag e vint implijet e servij teltenn an engalv; ro anezho d'al Levited, da bep hini hervez e garg.

⁶ Moizez a gemeras ar c'hirri hag an ejened, hag o roas d'al Levited.

⁷ Reiñ a reas da vibien Gershon daou garr ha pevar ejen, hervez o c'harg.

⁸ Reiñ a reas da vibien Merari pevar c'harr hag eizh ejen, hervez o c'harg dindan urzh Itamar, mab an aberzhour Aaron.

⁹ Met ne roas ket da vibien Kehad, rak karget e oant eus servij an traoù santel, a zougent war o divskoaz.

¹⁰ Ar briñsed a reas o frof evit dedi an aoter e deiz ma voe olevet; ar briñsed a ginnigas o frof dirak an aoter.

¹¹ An AOTROU a lavaras da Voizez: Ra zeuio d'ober e brof ur priñs dre zevezh evit dedi an aoter.

¹² An hini a ginnigas e brof d'an deiz kentañ a voe Nahashon mab Aminadab, eus meuriad Juda.

¹³ E brof a voe: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

¹⁴ un hanaf aour a zek sikl, leun a c'hwezh-vat,

¹⁵ ur c'hole yaouank, un tourz, un oan eus ur bloaz, evit al loskaberzh,

¹⁶ ur bouc'h evit an aberzh-dic'haouiñ,

¹⁷ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Nahashon mab Aminadab.

¹⁸ D'an eil deiz, Netaneel mab Zuar, priñs Isakar, a ginnigas e brof.

¹⁹ Ar prof a reas a voe: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

²⁰ un hanaf aour a zek sikl, leun a c'hwezh-vat,

²¹ ur c'hole yaouank, un tourz, un oan eus ur bloaz, evit al loskaberzh,

²² ur bouc'h evit an aberzh-dic'haouiñ,

²³ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Netaneel mab Zuar.

²⁴ D'an trede deiz, Eliab mab Helon, priñs mibien Zabulon,

²⁵ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

²⁶ un hanaf aour a zek sikl, leun a c'hwezh-vat,

²⁷ ur c'hole yaouank, un tourz, un oan eus ur bloaz, evit al loskaberzh,

²⁸ ur bouc'h evit an aberzh-dic'haouiñ,

²⁹ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Eliab mab Helon.

³⁰ D'ar pevare deiz, Elizur mab Shedeur, priñs mibien Zabulon,

³¹ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

³² un hanaf aour a zek sikl, leun a c'hwezh-vat,

³³ ur c'hole yaouank, un tourz, un oan eus ur bloaz, evit al loskaberzh,

³⁴ ur bouc'h evit an aberzh-dic'haouiñ,

³⁵ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Elizur mab Shedeur.

³⁶ D'ar pempvet deiz, Shelumiel mab Zurishaddai, priñs mibien Simeon,

³⁷ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

³⁸ un hanaf aour a zek sikl, leun a c'hwezh-vat,

³⁹ ur c'hole yaouank, un tourz, un oan eus ur bloaz, evit al loskaberzh,

⁴⁰ ur bouc'h evit an aberzh-dic'haouiñ,

⁴¹ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Shelumiel mab Zurishaddai.

⁴² D'ar c'hwec'hvet deiz, Eliasaf mab Deuel, priñs mibien Gad,

⁴³ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁴⁴ un hanaf aour a zek sikl, leun a c'hwezh-vat,

⁴⁵ ur c'hole yaouank, un tourz, un oan eus ur bloaz, evit al loskaberzh,

⁴⁶ ur bouc'h evit an aberzh-dic'haouiñ,

⁴⁷ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Eliasaf mab Deuel.

⁴⁸ D'ar seizhvet deiz, Elishama mab Amihud, priñs mibien Efraim,

⁴⁹ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁵⁰ un hanaf aour a zek sikl, leun a c'hwezh-vat,

⁵¹ ur c'hole yaouank, un tourz, un oan eus ur bloaz, evit al loskaberzh,

⁵² ur bouc'h evit an aberzh-dic'haouiñ,

⁵³ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Elishama mab Amihud.

⁵⁴ D'an eizhvet deiz, Gamaliel mab Pedazur, priñs mibien Manase,

⁵⁵ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁵⁶ un hanaf aour a zek sikl, leun a c'hwezh-vat,

⁵⁷ ur c'hole yaouank, un tourz, un oan eus ur bloaz, evit al loskaberzh,

⁵⁸ ur bouc'h evit an aberzh-dic'haouiñ,

⁵⁹ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Gamaliel mab Pedazur.

⁶⁰ D'an navet deiz, Abidan mab Gideoni, priñs mibien Benjamin,

⁶¹ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁶² un hanaf aour a zek sikl, leun a c'hwezh-vat,

⁶³ ur c'hole yaouank, un tourz, un oan eus ur bloaz, evit al loskaberzh,

⁶⁴ ur bouc'h evit an aberzh-dic'haouiñ,

⁶⁵ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Abidan mab Gideoni.

⁶⁶ D'an dekvet deiz, Ahiezer mab Amishaddai, priñs mibien Dan,

⁶⁷ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁶⁸ un hanaf aour a zek sikl, leun a c'hwezh-vat,

⁶⁹ ur c'hole yaouank, un tourz, un oan eus ur bloaz, evit al loskaberzh,

⁷⁰ ur bouc'h evit an aberzh-dic'haouiñ,

⁷¹ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Ahiezer mab Amishaddai.

⁷² D'an unnekvet deiz, Pagiel mab Okran, priñs mibien Aser,

⁷³ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁷⁴ un hanaf aour a zek sikl, leun a c'hwezh-vat,

⁷⁵ ur c'hole yaouank, un tourz, un oan eus ur bloaz, evit al loskaberzh,

⁷⁶ ur bouc'h evit an aberzh-dic'haouiñ,

⁷⁷ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Pagiel mab Okran.

⁷⁸ D'an daouzekvet deiz, Ahira mab Enan, priñs mibien Neftali,

⁷⁹ a brofas: ur plad arc'hant a boueze kant ha tregont sikl, ul lestr arc'hant a zek sikl ha tri-ugent, hervez sikl ar santual, o-daou leun a flour bleud mezet gant eoul, evit an donezon,

⁸⁰ un hanaf aour a zek sikl, leun a c'hwezh-vat,

⁸¹ ur c'hole yaouank, un tourz, un oan eus ur bloaz, evit al loskaberzh,

⁸² ur bouc'h evit an aberzh-dic'haouiñ,

⁸³ hag evit an aberzh a drugarekadennoù, daou ejen, pemp tourz, pemp bouc'h, pemp oan eus ur bloaz. Hennezh e voe prof Ahira mab Enan.

⁸⁴ Setu aze ar pezh a zo bet digant priñsed Israel evit dedi an aoter e deiz ma voe olevet. Daouzek plad arc'hant, daouzek lestr arc'hant, daouzek hanaf aour,

⁸⁵ pep plad arc'hant a oa a gant ha tregont sikl ha pep lestr a zek sikl ha tri-ugent; holl arc'hant an traoù-mañ a oa a zaou vil pevar c'hant sikl, hervez sikl ar santual.

⁸⁶ Daouzek hanaf aour leun a c'hwezh-vat, pep hini a oa a zek sikl, hervez sikl ar santual; holl aour an hanafoù a oa a gant ugent sikl.

⁸⁷ An holl loened evit al loskaberzh a oa: daouzek kole, daouzek tourz, daouzek oan eus ur bloaz, gant an donezonoù. Evit an aberzh-dic'haouiñ, daouzek bouc'h.

⁸⁸ An holl loened evit an aberzh a drugarekadennoù a oa: pevar ejen warn-ugent, tri-ugent tourz, tri-ugent bouc'h, tri-ugent oan eus ur bloaz. Setu ar pezh a zo bet evit dedi an aoter goude ma voe olevet.

⁸⁹ Pa'z ae Moizez e-barzh teltenn an engalv evit komz, e kleve ur vouezh o komz outañ dreist al lec'h-a-drugarez a oa war arc'h an Testeni, a-douez an daou cherubin. Hag e komze gantañ.