Niveroù 33 - Bibl Koad 21: Ar Bibl e Brezhoneg evit ar Vretoned

Pennad 33 Kerzhadeg an Israeliz, eus an Ejipt betek ar Jordan

¹ Setu arsavioù mibien Israel, pa zeujont kuit eus bro Ejipt hervez o strolladoù, dindan urzh Moizez hag Aaron.

² Moizez a skrivas o c'herzhadegoù, hervez o arsavioù, war urzh an AOTROU. Setu amañ o arsavioù, hervez o c'herzhadegoù.

³ Mont a rejont kuit eus Ramsez ar miz kentañ, d'ar pemzekvet deiz eus ar miz kentañ; an deiz war-lerc'h Pask, ez ejont kuit a-zorn savet, war-wel an holl Ejipsianed.

⁴ An Ejipsianed a sebelie ar re en doa skoet an AOTROU en o zouez, an holl re gentañ-ganet. An AOTROU a rae ivez barnioù a-enep o doueoù.

⁵ Mibien Israel a yeas kuit eus Ramsez, hag e kampjont e Sukkod.

⁶ Mont a rejont kuit eus Sukkod hag e kampjont en Etam, a zo e penn ar gouelec'h.

⁷ Mont a rejont kuit eus Etam hag, o tistreiñ war-zu Pihahirod, a zo a-dal da Baal-Zefon, e kampjont dirak Migdol.

⁸ Mont a rejont kuit eus Pihahirod hag e tremenjont dre greiz ar mor war-zu ar gouelec'h; e-pad tri devezh e kerzhjont e gouelec'h Etam hag e kampjont e Mara.

⁹ Mont a rejont kuit eus Mara hag e teujont da Elim. En Elim e oa daouzek mammenn dour ha dek palmezenn ha tri-ugent; hag e kampjont eno.

¹⁰ Mont a rejont kuit eus Elim hag e kampjont e-kichen ar Mor Ruz.

¹¹ Mont a rejont kuit eus ar Mor Ruz hag e kampjont e gouelec'h Sin.

¹² Mont a rejont kuit eus gouelec'h Sin hag e kampjont e Dofka.

¹³ Mont a rejont kuit eus Dofka hag e kampjont en Alush.

¹⁴ Mont a rejont kuit eus Alush hag e kampjont e Refidim, e-lec'h na oa ket a zour da evañ evit ar bobl.

¹⁵ Mont a rejont kuit eus Refidim hag e kampjont e gouelec'h Sinai.

¹⁶ Mont a rejont kuit eus gouelec'h Sinai hag e kampjont e Kibrod-Hataava.

¹⁷ Mont a rejont kuit eus Kibrod-Hataava hag e kampjont en Hazerod.

¹⁸ Mont a rejont kuit eus Hazerod hag e kampjont e Ritma.

¹⁹ Mont a rejont kuit eus Ritma hag e kampjont e Rimmon-Perez.

²⁰ Mont a rejont kuit eus Rimmon-Perez hag e kampjont e Libna.

²¹ Mont a rejont kuit eus Libna hag e kampjont e Risa.

²² Mont a rejont kuit eus Risa hag e kampjont e Kehelata.

²³ Mont a rejont kuit eus Kehelata hag e kampjont e Menez Shafer.

²⁴ Mont a rejont kuit eus Menez Shafer hag e kampjont en Harada.

²⁵ Mont a rejont kuit eus Harada hag e kampjont e Makelod.

²⁶ Mont a rejont kuit eus Makelod hag e kampjont e Tahad.

²⁷ Mont a rejont kuit eus Tahad hag e kampjont e Tarak.

²⁸ Mont a rejont kuit eus Tarak hag e kampjont e Mitka.

²⁹ Mont a rejont kuit eus Mitka hag e kampjont en Hashmona.

³⁰ Mont a rejont kuit eus Hashmona hag e kampjont e Moserod.

³¹ Mont a rejont kuit eus Moserod hag e kampjont e Bene-Jaakan.

³² Mont a rejont kuit eus Bene-Jaakan hag e kampjont en Hor-Gidgad.

³³ Mont a rejont kuit eus Hor-Gidgad hag e kampjont e Jotbata.

³⁴ Mont a rejont kuit eus Jotbata hag e kampjont en Abrona.

³⁵ Mont a rejont kuit eus Abrona hag e kampjont en Ezion-Geber.

³⁶ Mont a rejont kuit eus Ezion-Geber hag e kampjont e gouelec'h Zin, da lavarout eo e Kadesh.

³⁷ Mont a rejont kuit eus Kadesh hag e kampjont e Menez Hor, e penn bro Edom.

³⁸ Aaron an aberzhour a bignas war Venez Hor, war urzh an AOTROU, hag e varvas eno en daou-ugentvet bloaz goude ma oa aet kuit mibien Israel eus bro Ejipt, er pempvet miz, d'ar c'hentañ eus ar miz.

³⁹ Aaron a varvas war Venez Hor, oadet a gant tri bloaz warn-ugent.

⁴⁰ Ar roue Arad ar C'hananead, a oa o chom e kreisteiz bro Ganaan, a glevas e teue mibien Israel.

⁴¹ Mont a rejont kuit eus Menez Hor hag e kampjont e Zalmona.

⁴² Mont a rejont kuit eus Zalmona hag e kampjont e Punon.

⁴³ Mont a rejont kuit eus Punon hag e kampjont en Obod.

⁴⁴ Mont a rejont kuit eus Obod hag e kampjont en Ije-Abarim, war harzoù Moab.

⁴⁵ Mont a rejont kuit eus Ije-Abarim hag e kampjont e Dibon-Gad.

⁴⁶ Mont a rejont kuit eus Dibon-Gad hag e kampjont en Almon-Diblataim.

⁴⁷ Mont a rejont kuit eus Almon-Diblataim hag e kampjont er menezioù Abarim, dirak Nebo.

⁴⁸ Mont a rejont kuit eus ar menezioù Abarim hag e kampjont e plaenennoù Moab, e-kichen ar Jordan, a-dal da Jeriko.

⁴⁹ Kampiñ a rejont e-kichen ar Jordan, adalek Bet-Jeshimod betek Abel-Shitim, e plaenennoù Moab.

⁵⁰ An AOTROU a gomzas da Voizez e plaenennoù Moab, e-kichen ar Jordan, a-dal da Jeriko, o lavarout:

⁵¹ Komz da vibien Israel ha lavar: Pa ho po tremenet ar Jordan etrezek bro Ganaan,

⁵² e kasot kuit dirazoc'h holl dud ar vro, e tistrujot o holl skeudennoù, e tistrujot o holl zelwennoù teuzet, e tismantrot o holl uhellec'hioù,

⁵³ e perc'hennot ar vro hag e chomot enni, rak roet em eus deoc'h ar vro da berc'hennañ anezhi.

⁵⁴ Lodennañ a reot ar vro dre ar sord evel hêrezh d'ho tiegezhioù. D'ar re a zo e niver bras e roiot un hêrezh vrasoc'h, d'ar re a zo e niver bihan e roiot un hêrezh vihanoc'h. Pep hini a resevo ar pezh a vo degouezhet dezhañ dre ar sord. Hoc'h hêrezh ho po hervez meuriad ho tadoù.

⁵⁵ Met ma ne gasot ket kuit dirazoc'h annezidi ar vro, ar re anezho ho po lezet a-zilerc'h a vo spern d'ho taoulagad ha drez d'ho kostezioù, hag e waskint ac'hanoc'h er vro emaoc'h o vont da chom enni.

⁵⁶ Hag e rin deoc'h evel m'em boa divizet ober dezho.