Levr Job 22 - Bibl Koad 21: Ar Bibl e Brezhoneg evit ar Vretoned

Pennad 22 Teirvet prezegenn Elifaz

¹ Neuze, Elifaz eus Teman a gomzas o lavarout:

² Hag e c'hell un den bezañ talvoudus da Zoue? Dezhañ e-unan eo talvoudus un den, ma'z eo fur.

³ An Holl-C'halloudeg, hag e kav plijadur ma'z out reizh? Hag e resev ur gounid bennak ma kerzhez er reizhder?

⁴ Hag ez eo dre zoujañs dirazout e kastiz ac'hanout, hag ez a d'ar varn ganit?

⁵ Ha n'eo ket bras da fallentez? Ha n'int ket divuzul da zireizhder?

⁶ Rak ec'h eus kemeret goproù digant da vreudeur hep abeg, diberc'hennet ec'h eus diouzh o dilhad ar re a oa en noazh.

⁷ Ne'c'h eus ket roet dour da evañ d'an den sec'hedek, dinac'het ec'h eus da vara d'an den naonek.

⁸ Ar vro a oa d'an den galloudek, an hini a oa doujet a chome enni.

⁹ Kaset ec'h eus kuit en goullo an intañvezed, ha divrec'h an emzivaded a voe brevet.

¹⁰ Setu perak ez eus antelloù en-dro dit, hag e teu warnout ur spouron buan,

¹¹ hag an deñvalijenn a harz ac'hanout da welout, hag an doureier a zic'hlann betek da c'holeiñ.

¹² Doue, ha n'emañ ket e nec'h an neñvoù? Sell ouzh barr ar stered, pegen uhel ez int!

¹³ Hag e lavarez: Petra a anavez Doue? Hag e varno a-dreuz an deñvalijenn?

¹⁴ Ar goabrenn a c'holo anezhañ ha ne wel netra; pourmen a ra war volz an neñvoù.

¹⁵ Hag e fell dit heuliañ an hent a-wechall, an hini o deus kerzhet warnañ an dud direizh?

¹⁶ Lamet int bet a-raok an amzer, aet eo o diazez gant ur stêr o tic'hlannañ.

¹⁷ Lavarout a raent da Zoue: Pella diouzhimp! Petra a raio an Holl-C'halloudeg deomp?

¹⁸ Ha koulskoude en doa leuniet o ziez a vadoù! Ya, ra vo pell diouzhin kuzul ar re zrouk!

¹⁹ Ar re reizh henn gwel hag a laouena, an didamall a ra goap anezho.

²⁰ A-dra-sur, hon enebour a zo distrujet, an tan en deus lonket o binvidigezhioù.

²¹ En em domm outañ hag e vi e peoc'h, evel-se e c'hoarvezo mad ganit.

²² Resev al lezenn eus e c'henoù, ha laka e c'herioù ez kalon.

²³ Mar distroez d'an Holl-C'halloudeg, e vi adsavet. Pella an direizhder eus da deltenn.

²⁴ Taol an aour er poultr, aour Ofir e reier ar froud.

²⁵ An Holl-C'halloudeg a vo da aour, da arc'hant ha da deñzorioù.

²⁶ Neuzi e kavi en Holl-C'halloudeg da blijadurioù, hag e savi da zremm war-zu Doue.

²⁷ E bediñ a ri hag e selaouo ac'hanout, hag e seveni da ouestloù.

²⁸ Ma ec'h eus divizoù, e teui a-benn outo, ar sklêrijenn a lugerno war da hentoù.

²⁹ Pa vo izelaet unan bennak ha pa lavari: Ra vo savet! Saveteiñ a raio an hini en devo e zaoulagad izelaet.

³⁰ Dieubiñ a raio an den n'eo ket didamall, dieubet e vo dre c'hlanded da zaouarn.