Geneliezh 10 - Bibl Koad 21: Ar Bibl e Brezhoneg evit ar Vretoned

Pennad 10 Diskennidi mibien Noe

¹ Setu amañ lignez mibien Noe, Sem, Cham ha Jafed. Bet o deus mibien goude al liñvadenn-veur.

² Mibien Jafed a voe: Gomer, Magog, Madai, Javan, Tubal, Meshek ha Tiraz.

³ Mibien Gomer: Ashkenaz, Rifad ha Togarma.

⁴ Mibien Javan: Elisha, Tarsiz, Kitim ha Dodanim.

⁵ Ganto e voe poblet inizi ar broadoù en o douaroù, pep hini hervez e yezh, hervez o ziegezhioù, en o broadoù.

⁶ Mibien Cham a voe: Kush, Mizraim, Pud ha Kanaan.

⁷ Mibien Kush: Saba, Havila, Sabta, Raema ha Sabteka. Mibien Raema: Seba ha Dedan.

⁸ Kush a voe tad da Nimrod, an hini a grogas da vezañ galloudek war an douar.

⁹ Bez' e voe ur chaseour galloudek dirak an AOTROU, setu perak e lavarer: Evel Nimrod, chaseour galloudek dirak an AOTROU.

¹⁰ Deroù e rouantelezh a voe Babel, Erek, Akkad ha Kalne, e Bro Shinear.

¹¹ Eus ar vro-se ez eas en Asiria hag e savas Ninive, Reobod-Ir, Kalak

¹² ha Rezen etre Ninive ha Kalak; ar gêr vras eo.

¹³ Mizraim a voe tad d'al Ludimed, d'an Anamimed, d'al Lehabimed, d'an Naftuhimed,

¹⁴ d'ar Batruzim, d'ar Gasluhim ma teuas diouto ar Filistined, ha d'ar Gaftorim.

¹⁵ Kanaan a voe tad da Sidon e gentañ-ganet, da Hed,

¹⁶ d'ar Jebuziz, d'an Amoreaned, d'ar C'hirgazianed,

¹⁷ d'an Hevianed, d'an Arkianed, d'ar Sinianed,

¹⁸ d'an Arvadianed, d'ar Zemarianed, d'an Hamatianed. Goude, tiegezhioù ar Gananeiz en em skignas.

¹⁹ Harzoù ar Gananeiz a voe adalek Sidon, o tont war-zu Gerar betek Gaza, o tont war-zu Sodom, Gomora, Adma ha Zeboim betek Lesha.

²⁰ Ar re-se eo mibien Cham, hervez o ziegezhioù, hervez o yezhoù, en o douaroù, en o broadoù.

²¹ Sem, breur da Jafed an hini henañ, a voe tad da vibien ivez, da holl vibien Eber.

²² Mibien Sem a voe: Elam, Ashur, Arpaksad, Lud hag Aram.

²³ Mibien Aram: Uz, Hul, Geter ha Mash.

²⁴ Arpaksad a voe tad da Shelak, Shelak a voe tad da Eber.

²⁵ Eber a voe tad da zaou vab: anv unan a oa Peleg rak en e amzer e voe lodennet an douar, hag anv e vreur a oa Joktan.

²⁶ Joktan a voe tad da Almodad, Shelef, Hazarmaved, Jerak,

²⁷ Hadoram, Uzal, Dikla,

²⁸ Obal, Abimael, Seba,

²⁹ Ofir, Havila ha Jobab. Ar re-se holl a voe mibien da Joktan.

³⁰ O annez a voe adalek Mesha, o tont war-zu Sefar betek menez ar sav-heol.

³¹ Ar re-se eo mibien Sem, hervez o ziegezhioù, hervez o yezhoù, en o douaroù, en o broadoù.

³² Ar re-se eo tiegezhioù mibien Noe, hervez o rummadoù, en o broadoù. Diouto e voe deuet broadoù an douar goude al liñvadenn-veur.