1 Danevelloù 4 - Bibl Koad 21: Ar Bibl e Brezhoneg evit ar Vretoned

Pennad 4

¹ Mibien Juda a voe: Farez, Hezron, Karmi, Hur, Shobal.

² Reaja mab Shobal a voe tad da Jakad. Jakad a voe tad da Akumai ha Lahad. Ar re-se a voe tigezhioù ar Zoreatiz.

³ Setu amañ ar re a zo deuet eus tad Etam: Jizreel, Jishma, Jidbash, anv o c'hoar a oa Hazelelponi.

⁴ Penuel a voe tad da C'hedor, hag Ezer da Husha. Ar re-se a oa mibien Hur, kentañ-ganet Efrata tad Betlehem.

⁵ Ashur tad Tekoa en doe div wreg: Helea ha Naara.

⁶ Naara a c'hanas dezhañ: Akuzam, Hefer, Temeni, Akashtari. Ar re-se a voe mibien Naara.

⁷ Mibien Helea a voe: Zered, Zokar, Etnan.

⁸ Koz a voe tad da Anub, da Hazobeba, da diegezhioù Akarkel mab Harum.

⁹ Jabez a oa enoretoc'h eget e vreudeur, e vamm he doa e anvet Jabez o lavarout: Er boan eo em eus ganet anezhañ.

¹⁰ Jabez a c'halvas Doue Israel o lavarout: Mar bennigez ac'hanon, ma astennez va harzoù, ma vez da zorn ganin, ma tiwallez ac'hanon eus ar gwalleur, en hevelep doare ma ne vin ket er glac'har...! Ha Doue a roas dezhañ ar pezh en doa goulennet.

¹¹ Kelub breur Shuak a voe tad da Veir, a voe tad da Eshton.

¹² Eshton a voe tad da diegezh Rafa, da Baseak, da Dekinna tad kêr Nakash. Ar re-se a voe tud Reka.

¹³ Mibien Kenaz a voe: Otniel ha Seraja. Mab Otniel a voe: Hatad.

¹⁴ Meonotai a voe tad da Ofra. Seraja a voe tad da Joab, tad traonienn ar vicherourien, rak micherourien e oant.

¹⁵ Mibien Kaleb mab Jefune a voe: Iru, Ela, Naam. Mab Ela a voe: Kenaz.

¹⁶ Mibien Jehaleleel a voe: Zif, Zifa, Tirja, Asareel.

¹⁷ Mibien Ezra a voe: Jeter, Mered, Efer, Jalon. Gwreg Mered a c'hanas: Miriam, Shammai, Jishbak tad Eshtemoa.

¹⁸ E wreg Jehudija a c'hanas: Jered tad Gedor, Heber tad Soko, Jekutiel tad Zanoak. Ar re-se a voe mibien Bitja merc'h Faraon, a gemeras Mered da wreg.

¹⁹ Mibien gwreg Hodija, c'hoar Nakam, a voe: tad Keila ar Garmad hag Eshtemoa ar Maakatian.

²⁰ Mibien Simon a voe: Amnon, Rinna, Ben-Hanan, Tilon. Mibien Jishei a voe: Zoked ha Ben-Zoked.

²¹ Mibien Shela mab Juda a voe: Er tad Leka, Laada tad Maresha, tiegezh kêr an oberourien a lin fin eus ti Ashbea,

²² Jokim, tud Kozeba, Joaz ha Saraf a renas war Voab, Jashubi-Lekem. Kement-se a zo traoù kozh.

²³ Poderien e oant, hag en em zalc'hent er plantadegoù hag er parkeier, o vezañ o chom eno e-kichen ar roue, evit e labour.

²⁴ Mibien Simeon a voe: Nemuel, Jamin, Jarib, Zerak, Saol,

²⁵ Shallum e vab, Mibsam e vab, Mishma e vab.

²⁶ Mibien Mishma a voe: Hamuel e vab, Zakkur e vab, Shimei e vab.

²⁷ Shimei en doe c'hwezek mab ha c'hwec'h merc'h. E vreudeur n'o doe ket kalz a vibien, hag o holl diegezhioù ne liesaas ket kement ha mibien Juda.

²⁸ Edont o chom e Beer-Sheba, e Molada, en Hazar-Shual,

²⁹ e Bilha, en Ezem, e Tolad,

³⁰ e Betuel, en Horma, e Ziklag,

³¹ e Bet-Markabod, en Hazar-Suzim, e Bet-Birei, e Shaaraim. Ar re-se a voe o c'hêrioù betek ma renas David.

³² Hag o c'hêriadennoù a voe: Etam, Ain, Rimmon, Token, Ashan, pemp kêr anezho,

³³ hag o holl gêriadennoù en-dro d'ar c'hêrioù-se, betek Baal. Ar re-se a voe o chomlec'hioù hag o lignez.

³⁴ Meshobab, Jamlek, Josha mab Amazia,

³⁵ Joel, Jehu mab Joshibia mab Seraja mab Aziel,

³⁶ Eljoenai, Jaakoba, Jeshokaja, Asaja, Adiel, Jesimiel, Benaja,

³⁷ Ziza mab Shifei mab Allon mab Jedaja mab Shimri mab Shemaja,

³⁸ ar re-se, dileuriet dre o anvioù, a oa priñsed en o ziegezhioù. Ha tiez o zadoù a greskas kalz.

³⁹ Mont a rejont etrezek Gedor, betek sav-heol an draonienn, o klask peurvanoù evit o loened.

⁴⁰ Hag e kavjont peurvanoù druz ha mat, hag ur vro ledan a bep tu, sioul hag e peoc'h, rak ar re a oa bet o chom eno diagent a ziskenne eus Cham.

⁴¹ Ar re-se, merket dre o anvioù, a zeuas en amzer Ezekia roue Juda hag a ziskarjont o zeltennoù hag ar Vaoniz a oa eno. Lakaat a rejont anezho da verz betek hiziv, hag ec'h annezjont en o lec'h, rak peurvanoù a oa eno evit o loened.

⁴² En o zouez, pemp kant den, mibien Simeon, a yeas da Venez Seir. Ouzh o fenn e oa Palatia, Nearia, Refaja hag Uziel, mibien Jishei.

⁴³ Hag e skojont war nemorant tec'hidi Amalek, hag ec'h annezjont eno betek hiziv.